СОЛИ БАЙНАЛМИЛАЛИИ ҲИФЗИ ПИРЯХҲО. Бахшида ба он дар Донишгоҳи давлатии Хуҷанд конференсия баргузор гардид
ДУШАНБЕ, 14.03.2024 /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров таҳти унвони «Соли байналмилалии ҳифзи пиряхҳо» конференсияи илмӣ-амалӣ баргузор гардид, хабар доданд ба АМИТ «Ховар» дар ин донишгоҳ.
Конференсия бахшида ба «Бистсолаи омӯзиш ва рушди илмҳои табиатшиносӣ, дақиқ ва риёзӣ дар соҳаи илму маориф», солҳои 2020-2040, «Даҳсолаи байналмилалии амал «Об барои рушди устувор» солҳои 2018-2028» ва Соли байналмилалии ҳифзи пиряхҳо эълон гардидани соли 2025 баргузор шуда, дар мавриди аҳамияти ҳифзи пиряхҳо дар шароити тағйирёбии иқлим ва ташаббусҳои ҷаҳонии Пешвои миллат ибрози назар гардид.
Зимни конференсияи илмӣ-амалӣ аз ҷониби омӯзгорони донишгоҳ дар мавзуъҳои «Нақши Пешвои миллат дар ҷаҳонишавии соли 2025- Соли байналмилалии ҳифзи пиряхҳо», «Табиати пиряхҳои Ҷумҳурии Тоҷикистон ва роҳҳои локаликунонии коҳишёбии онҳо» маърузаҳо пешниҳод гардид.
Таъкид шуд, ки Президенти Ҷумҳурии Тоҷикистон муҳтарам Эмомалӣ Раҳмон пиряхҳоро захираи асосии оби соф арзёбӣ намуда, изҳор доштанд, ки обшавии босуръати онҳо дар баробари зиёдшавии истеъмоли об, ки ба афзоиши аҳолӣ ва рушди иқтисодӣ вобастагӣ дорад, метавонад ба оқибатҳои бағоят манфӣ оварда расонад.
Сиёсати дурбинонаи Сарвари давлат барои ҳифзи пиряхҳо дар раванди тағйирёбии иқлим шароити мусоид фароҳам овард.
Иштирокдорон баргузории чунин ҳамоишҳои илмиро ҷиҳати татбиқи ғояҳои ҷаҳонии Пешвои миллат амали муҳим арзёбӣ намуданд.
АКС: Донишгоҳи давлатии Хуҷанд ба номи академик Бобоҷон Ғафуров
ДИПЛОМАТИЯИ СУЛҲОФАРИНИИ ТОҶИКИСТОН: АЗ ТАҶРИБАИ МИЛЛӢ ТО ТАШАББУСИ ГЛОБАЛӢ. Андешаҳо дар ин мавзуъ
Дар Москва қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» муаррифӣ шуд
Дар Донишгоҳи давлатии Бохтар оид ба Даҳсолаи таҳкими сулҳ ба хотири наслҳои оянда ҳамоиши илмӣ-амалӣ доир шуд
Ташаббусе, ки аз таҷрибаи сулҳи тоҷикон сарчашма мегирад
Дар ноҳияи Ёвон бахшида ба ташаббуси навбатии ҷаҳонии Тоҷикистон конференсия ва роҳпаймоии сулҳ баргузор гардид
Талошҳои Президенти Тоҷикистон дар ташаккул ва пешбурди дипломатияи сулҳофарӣ дар муносибатҳои байналмилалӣ назаррасанд
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Ашқобод доир ба аҳамияти қабули қатъномаи СММ оид ба Даҳсолаи байналмилалии таҳкими сулҳ нишасти матбуотӣ баргузор шуд
