«Сомон Эйр» дар масири Душанбе-Остона-Душанбе хатсайри нави мустақиму мунтазам оғоз менамояд
ДУШАНБЕ, 20.03.2024 /АМИТ «Ховар»/. Шуруъ аз 2 апрели соли 2024 ширкати ҳавопаймоии «Сомон Эйр» нахустин парвози мустақимро дар масири Душанбе-Остона-Душанбе оғоз менамояд. Дар ин хусус ба АМИТ «Ховар» дар ширкати ҳавопаймоии «Сомон Эйр» иттилоъ доданд.
Хатсайри нави мустақиму мунтазам ба пойтахти Қазоқистон – шаҳри Остона шабакаи парвозҳои ширкати «Сомон Эйр»-ро васеъ намуда, ба рушди устувори равобити дуҷонибаи Тоҷикистон ва Қазоқистон такони тоза мебахшад. Он ҳамзамон барои мусофирон имкони иҷрои парвозҳои мустақимро байни пойтахтҳои ду давлат фароҳам меорад.
Парвозҳо ҳафтае як маротиба — рӯзҳои сешанбе анҷом дода мешаванд. Аз 19 апрел шумораи парвозҳо аз Душанбе ба Остона то ду парвоз дар як ҳафта — рӯзҳои сешанбе ва ҷумъа зиёд карда мешавад. Рӯзҳои сешанбе вақти парвоз аз Душанбе соати 16:25, аз Остона 19:50 ба вақти маҳаллӣ муқаррар шудааст. Рӯзҳои ҷумъа вақти парвоз аз Душанбе соати 09:00 ва аз Остона соати 12:15 ба вақти маҳаллӣ мебошад. Парвозҳо дар ин масир тариқи ҳавопаймоҳои бароҳати Boeing 737-800 ва Boeing 737-900 анҷом дода мешаванд.
Дар айни ҳол ширкати ҳавопаймоии «Сомон Эйр» парвозҳоро аз Тоҷикистон ба Олмон, Амороти Муттаҳидаи Араб, Туркия, Чин, Ҳиндустон, Арабистони Саудӣ, Эрон, Русия, Қазоқистон ва Узбекистон муваффақона анҷом медиҳад.
Парки ширкат аз ҳавопаймоҳои Boeing 737-800 ва Boeing 737-900 иборат мебошад.
АКС аз манбаъҳои боз
Ҷаласаи Комиссияи байниҳукуматии Тоҷикистон ва Чин оид ба ҳамкории тиҷоратию иқтисодӣ доир шуд
Озарбойҷон ҳамкориро бо вилояти Хатлони Тоҷикистон тақвият медиҳад
Дар шаҳру ноҳияҳои вилояти Хатлон тадбирҳо бар зидди ҳашароти зараррасон пурзӯр карда мешаванд
Дар Тоҷикистон филиалҳои бонкҳои Туркия таъсис меёбанд
Дар Душанбе ҷаласаи нахустини Шурои муштараки соҳибкорони Тоҷикистон ва Фаластин баргузор шуд
Ҳайати Тоҷикистон дар Форуми сеюми байналмилалии сармоягузории Тошканд иштирок намуд
Дар Тоҷикистон татбиқи лоиҳа оид ба барқикунонии нақлиёти ҷамъиятӣ бо дастгирии Комиссияи СММ оғоз гардид
IRS: Оқибати харобиовари сел дар роҳи Душанбе-Чанок қисман бартараф гардид
Ҳайати Тоҷикистон бо роҳбарияти Бонки Осиёии Рушд ҷалби сармоя ба сохтмони иншооти муҳими стратегиро баррасӣ намуд
Оилаи Абдуғаффор Қаюмов дар ноҳияи Ҷайҳун аз соли 1982 ба парвариши кирмаки пилла машғул аст
Дар Риёз Саммити сармоягузорию иқтисодии «Давлатҳои Осиёи Марказӣ ва Халиҷ – C5 GCC» баргузор мешавад
Дар Конибодом вазъи таъминоти заминҳои кишоварзӣ бо оби полезӣ беҳтар гардидааст
