Варзишгарони тоҷик дар Мусобиқаи байналмилалӣ оид ба бокс дар Қазоқистон соҳиби 5 медал гардиданд

ДУШАНБЕ, 07.03.2024. /АМИТ «Ховар»/. Муштзанҳои тоҷик дар аввалин Мусобиқаи байналмилалӣ оид ба бокс ба хотираи устоди варзиш аз Қазоқистон Болат Темиров 5 медал – 2 нуқра ва 3 биринҷӣ ба даст оварданд. Дар ин хусус АМИТ «Ховар» бо истинод ба Федератсияи  бокси Тоҷикистон хабар медиҳад.

Мусобиқа аз 1 то 5 март дар шаҳри Атирауи Қазоқистон аз рӯи 13 вазн байни мардон баргузор шуд.

Дар он беш аз 100 варзишгар аз Қазоқистон, Тоҷикистон, Қирғизистон ва Русия ва иштирок намуданд.

Дастаи Тоҷикистон дар ҳайати 7 нафар зӯрозмоӣ намуда, Хусравхон Раҳимов (-57кг), Шаҳбоз Ҳаитов (-80кг) медали нуқра, Абубакр Муродзода (-60кг), Замирбек Қаюмов (-80кг) ва Парвиз Каримов (-92кг) медали биринҷӣ гирифтанд.

АКС: Федератсияи бокси Тоҷикистон