Вазири тандурустӣ ва ҳифзи иҷтимоии аҳолии Тоҷикистон дар Конференсияи байналмилалии тандурустӣ дар Эрон иштирок намуд
ДУШАНБЕ, 09.03.2024. /АМИТ «Ховар»/. Дар шаҳри Теҳрони Ҷумҳурии Исломии Эрон нахустин Конференсияи байналмилалии «Пӯшиши ҳамагонии саломат бо барномаи саломатии хонавода ва низоми ирҷоъи электронӣ» баргузор гардид, ки дар он Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иштирок намуд. Дар ин хусус АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Тоҷикистон хабар медиҳад.
Мақсад аз баргузории конференсия шиносоии давлатҳо бо барномаи саломатии хонавода ва ирҷоъи электонӣ (Family Health Program: FHP), табодули таҷрибаи давлатҳо бо якдигар ва баҳрамандӣ аз назарҳои техникӣ ва касбии мутахассисони варзидаи ин соҳа арзёбӣ гардид.
Дар конференсия панҷ масъала: саломатии хонавода ва якҷо намудани омӯзиши тиббӣ ва низоми саломат, саломатии хонавода ва тақвияти шабакаи беҳдошт ва дармон, саломатии хонавода ва мардумисозии низоми саломат, саломатии хонавода ва омилҳои иҷтимоии таъсиргузор бар саломат ва саломатии хонавода ва саломати электронӣ мавриди баррасӣ қарор дода шуданд.
Дар доираи иштирок дар ин конференсияи сатҳи баланд Вазири тандурустӣ ва ҳифзи иҷтимоии аҳолӣ Ҷамолиддин Абдуллозода бо вазири беҳдошт, дармон ва омӯзиши пизишкии Ҷумҳурии Исломии Эрон Баҳром Айнуллоҳӣ вохӯрӣ намуд.
Зимни вохӯрӣ ҷонибҳо доир ба ҳамкории ду давлати дӯсту бародар дар соҳаи тандурустӣ гуфтугӯи созанда анҷом дода, ҷиҳати густариши ҳамкории дуҷониба дар самтҳои гуногуни соҳа, аз ҷумла табодули таҷрибаи табибони тоҷик дар ин мамлакат дар самти ворид намудани усулҳои нави ташхис ва табобат, коркарди гиёҳҳои шифобахши ватанӣ ва дигар самтҳои таваҷҷуҳи тарафайн мубодилаи афкор намуданд.
Бояд гуфт, ки ҳамзамон дар доираи сафари корӣ ба Ҷумҳурии Исломии Эрон Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо якчанд муассисаи таълимию тиббии Эрон шинос шуда, бо роҳбарияти онҳо барои ҳамкорӣ байни муассисаҳои соҳавии ду давлат суҳбат намуд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
Таҷассум ва густариши сиёсати инсонмеҳваронаи Пешвои миллат дар пасманзари қабули Қонуни Ҷумҳурии Тоҷикистон «Дар бораи авф»
Дар шаҳри Санкт-Петербург Форуми XIV байналмилалии ҳуқуқӣ оғоз гардид
