Вулқони Эбеко дар ҷазираҳои Курил хокистарро ба баландии 3,5 километр партофтааст

ДУШАНБЕ, 12.03.2024 /АМИТ «Ховар»/. Вулқоншиносон дар вулқони Эбеко дар ҷазираи Парамушири қаторкӯҳи Курили Кабир (вилояти Сахалин) партовҳои хокистарро дар баландии 3,5 километр сабт намуданд. Дар ин хусус ба хабарнигорон дар хадамоти матбуоти Сарраёсати Вазорати ҳолатҳои фавқулодаи Русия дар ин минтақа хабар доданд.

«Партови хокистар дар баландии 3,5 км аз сатҳи баҳр ба амал омад. Доманаи он дар самти ҷанубу шарқ ба масофаи то 5 километр паҳн шуд», — гуфтанд дар раёсат.

Эбеко дар қисми шимолии Парамушир воқеъ аст. Баландии вулқон 1156 метр буда, баҳри он рамзи ранги норанҷии хатар барои авиатсия гузошта шудааст. Ин маънои онро дорад, ки вулқон фаъолияти баланди эҳтимолии оташфишонӣ зоҳир менамояд.

АКС аз манбаъҳои боз