Барои арзёбии таъсири эҳтимолии офатҳои табиӣ ба устувории қарзи Арманистон, Тоҷикистон ва Қирғизистон санади корӣ таҳия гардид
ДУШАНБЕ, 17.04.2024 /АМИТ «Ховар»/. Таҳлилгарони Хазинаи авруосиёии субот ва рушд (EFSD) санади нави кории «Арзёбии таъсири эҳтимолии офатҳои табиӣ ба устувории қарзи Арманистон, Қирғизистон ва Тоҷикистон”-ро омода намудаанд. Аз сабаби ҷойгиршавии ҷуғрофӣ хатари офатҳои табиӣ метавонанд ба нишондиҳандаҳои макроиқтисодии ин давлатҳо таъсири ҷиддӣ расонанд. Дар ин хусус ба АМИТ «Ховар» дар маркази матбуоти ин хазина иттилоъ доданд.
Дар доираи таҳқиқот профилҳои давлатҳо, аз ҷумла маълумоти систематикии ҷуғрофӣ, иқлим, демография ва иқтисод, инчунин ҷамъоварӣ ва таҳлили маълумот дар бораи офатҳои табиии гузашта тартиб дода шуданд. Дар асоси таҳлили маълумоти таърихӣ хулоса бароварда шуд, ки хатари асосии офатҳои табиии эҳтимолӣ ба устувории иқтисодии Арманистон заминларза ва хушксолӣ, барои Қирғизистон ва Тоҷикистон заминларза ва обхезӣ мебошанд.
Коршиносони хазина алгоритми амалеро таҳия намудаанд, ки метавонад барои арзёбии таъсири офатҳои табиӣ ба андозаҳои макроиқтисодӣ ва устувории қарзи давлат истифода шавад.
Ин алгоритм якчанд марҳилаҳоро дар бар мегирад: (1) интихоби навъи офати табиӣ, (2) арзёбии ҳаҷми зарари мустақими иқтисодӣ аз офати табиӣ, (3) арзёбии таъсири ин хисорот ба нишондиҳандаҳои гуногуни макроиқтисодӣ бо истифода аз маълумоти умумии моделҳои мувозинат (модели QPM), (4) татбиқи санҷиши ангеза дар доираи системаи таҳлили устувории қарз (DSA) бо мақсади муайян кардани хавфҳо ба қобилияти пардохтпазирии давлат.
«Равиш ва арзёбиҳои пешниҳодшуда метавонанд барои таҳияи стратегияҳои фискалӣ, инчунин стратегияҳои вокуниш ба офатҳои табиӣ ва мутобиқшавӣ истифода шаванд. Ин, дар навбати худ, ба идоракунии самараноки хавфҳои молиявӣ ва таъмини суботи рушди иқтисодӣ мусоидат менамояд», — гуфт муовини директори иҷроия ва сариқтисодчии хазина Сергей Улатов.
Варианти пурраи ҳуҷҷати кории «Арзёбии таъсири эҳтимолии офатҳои табиӣ ба устувории қарзи Арманистон, Қирғизистон ва Тоҷикистон»-ро дар вебсайти Хазинаи авруосиёии субот ва рушд пайдо кардан мумкин аст.
АКС аз манбаъҳои боз
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
Пагоҳ дар ноҳияи Восеъ мусобиқаи гӯштини миллӣ баргузор мегардад
Бар асари бориши зиёд ва фурӯравии замин роҳи мошингарди Восеъ-Ховалинг баста шуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
Дар ноҳияи Варзоб вобаста ба ҷалби ҷавонон ба сафи Артиши миллӣ вохӯрӣ доир шуд
Панҷ нафар бар асари тӯфон дар ҷануби Чин ба ҳалокат расиданд
Имрӯз дар баъзе ноҳияҳои кӯҳии Тоҷикистон бориши борону барф дар назар аст
19 кӯдак дар натиҷаи хуруҷи эҳтимолии бемории сурхакон дар шимолу шарқи Нигерия ҳалок шуданд
Байни Душанбе ва Тифлис хатсайри мустақими ҳавоӣ кушода мешавад
«КОРВОНИ САЛОМАТӢ». Ба сокинони Ҷамоати Сайф Раҳими ноҳияи Балҷувон хизмати ройгони тиббӣ расонида шуд
