БАТР барои намояндагони бахши молиявии Тоҷикистон даври нахустини дарсҳои маҳорат ташкил намуд
ДУШАНБЕ, 24.04.2024 /АМИТ «Ховар»/. Ҳамгироии бахшҳои иқлимӣ ва экологӣ ба низомҳои молиявӣ қисми асосии саҳми Бонки миллии Тоҷикистон дар татбиқи «Стратегияи рушди иқтисоди «сабз» барои солҳои 2023-2037» буда, ин масъала дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ дар назди низоми бонкии мамлакат гузошта шуд. Чунин иброз намуд муовини Раиси Бонки миллии Тоҷикистон Гулбаҳор Назирӣ дар оғози даври нахустини омӯзиши дарсҳои маҳорат, ки аз рӯи барномаи «Амалияи иқлимӣ ва банақшагирии давраи иқлим» барои намояндагони бахши молиявии мамлакат шуруъ гардид.
Ба АМИТ «Ховар» дар Бонки миллии Тоҷикистон иттилоъ доданд, ки даври нахустини омӯзиши дарсҳои маҳорат дар асоси Ёддошти тафоҳум, ки байни Бонки миллии Тоҷикистон ва Бонки аврупоии таҷдид ва рушд /БАТР/ моҳи сентябри соли 2023 ба имзо расида буд, гузаронида шуд. Бонки аврупоии таҷдид ва рушд ҳамчун шарики боэътимоди Бонки миллии Тоҷикистон на танҳо дар самти рушди иқтисоди «сабз», балки дар дигар бахшҳои муҳим, аз қабили рушди устувори экология, сиёсати иҷтимоӣ, идоракунии корпоративӣ ва сармоягузорӣ, рушди соҳибкории занон ҳамкорӣ менамояд.
Роҳбари намояндагии Бонки аврупоии таҷдид ва рушд дар Ҷумҳурии Тоҷикистон Холгер Вифел гуфт, ки силсиладарсҳои маҳорат барои доираи васеи намояндагони бахши молиявии Тоҷикистон пешбинӣ шудаанд.
Тоҷикистон нахустин давлат дар Осиёи Марказӣ мебошад, ки Бонки аврупоии таҷдид ва рушд ин барномаро дар он амалӣ менамояд. Дар доираи ин барнома иштирокдорон метавонанд маълумоту малакаи навро доир ба ошкор ва идора кардани хавфҳои марбут ба иқлим, стратегияи иқлим ва идорасозӣ, таҳияи нишондиҳандаҳою ҳадафҳо, инчунин ифшои иттилоот ба даст оранд.
Барнома бо назардошти сиёсати Бонки аврупоии таҷдид ва рушд доир ба мутобиқат ба Созишномаи Париж таҳия шуда, ҳадафи он кумак ва дастгирии мақомоти танзимкунанда ва ниҳодҳои молиявӣ дар самти сабзгардонии бахш ва амалиёт мебошад.
АКС: Бонки миллии Тоҷикистон
ҚУРБИ АСЪОР: 1 евро аз 11.1300 то 11.1582 сомонӣ муқаррар шудааст
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
