Дар Донишгоҳи техникии Тоҷикистон бо намояндагони донишгоҳҳои Русия омоданамоии мутахассисони соҳа баррасӣ шуд
ДУШАНБЕ, 26.04.2024 /АМИТ «Ховар»/. Ректори Донишгоҳи техникии Тоҷикистон ба номи академик Муҳаммад Осимӣ Қудрат Давлатзода бо намояндагони Донишгоҳи давлатии сохтмони шаҳри Москва, Донишгоҳи давлатии техникии Воронеж ва Донишгоҳи миллии таҳқиқотии ядроии «МИФИ» мулоқот намуд.
Тавре АМИТ «Ховар» бо истинод ба Донишгоҳи техникӣ хабар медиҳад, зимни мулоқот масъалаҳои марбут ба фаъолияти байналмилалӣ, омода намудани мутахассисони роҳу нақлиёт, сохтмон, энергетика, ҳифзи системаҳои компютерӣ, амалӣ намудани ҳамкорӣ дар доираи паркҳои технологӣ, баргузории машғулияти кӯтоҳмуддат, мактаби тобистона, омӯзиши таҷрибаи пешқадами таълимӣ, таҳияи барномаҳои муштарак, табодули устодону донишҷӯён ва анҷом додани корҳои илмӣ-таҳқиқотӣ мавриди баррасии тарафайн қарор гирифтанд.
Ҷонибҳо инчунин оид ба дигар масъалаҳои ҳамкорӣ, дарёфти роҳҳои нави ҳамкорӣ дар самти истифодаи системаҳои рақамӣ дар раванди таълим ва истифодаи босамари имкону захираҳои илмии мавҷуда табодули андеша намуданд.
Иброз гардид, ки дар доираи созишномаи ҳамкорӣ ояндаи наздик баргузории дарсҳои кушод, иштирок дар маҳфилҳои илмӣ ва дигар чорабиниҳо тақвият меёбанд.
АКС: Донишгоҳи техникии Тоҷикистон ба номи академик Муҳаммад Осимӣ
Донишҷӯёни Коллеҷи омӯзгории шаҳри Кӯлоб дар озмунҳои ҷумҳуриявӣ фаъолона иштирок доранд
Барномаҳои таълимии даврҳои такмили ихтисос барои омӯзгорон бо назардошти таҷрибаи байналмилалӣ таҳия гардидаанд
Музди маоши омӯзгорон ва кормандони Донишгоҳи давлатии Кӯлоб 10% зиёд мегардад
Дар Донишгоҳи давлатии Бохтар ҳиссаи умумии омӯзгорони унвондор 36,3 фоизро ташкил медиҳад
Дар Донишгоҳи технологии Тоҷикистон Маркази таълимии технологияҳои нассоҷӣ таъсис дода мешавад
НИШАСТИ МАТБУОТӢ. Самти афзалиятноки фаъолияти Донишгоҳи (славянии) Русияву Тоҷикистон қабули шаҳрвандони хориҷӣ аст
Донишгоҳи техникии Тоҷикистон бо Чин дар самти коркарди партовҳо ва ҳифзи захираҳои табиӣ лоиҳаи муштаракро амалӣ менамояд
НИШАСТИ МАТБУОТӢ. Дар Донишгоҳи давлатии тиҷорати Тоҷикистон 5 неругоҳи барқи офтобӣ ба истифода дода шудааст
