Дар Донишгоҳи техникии Тоҷикистон масъалаи омода намудани мутахассисон дар самти технологияҳои иттилоотӣ баррасӣ шуд
ДУШАНБЕ, 24.04.2024 /АМИТ «Ховар»/. Дар мулоқоти ректори Донишгоҳи техникии Тоҷикистон ба номи академик М.С.Осимӣ Қудрат Давлатзода бо намояндагони Донишгоҳи миллии АвруОсиё ба номи Л.Н. Гумилёви Қазоқистон масъалаҳои омода намудани мутахассисон дар самти технологияҳои иттилоотӣ (IT) аз рӯйи барномаи таълимии муштараки 2+2 дар доираи факултети муштараки байналмилалии технологияҳои иттилоотӣ мавриди баррасӣ қарор гирифтанд.
Тавре АМИТ «Ховар» бо истинод ба ин донишгоҳ хабар медиҳад, дар мулоқот ҷонибҳо атрофи мубодилаи академӣ, ҳамкории илмӣ ва мустаҳкам намудани заминаи ҳуқуқии ҳамкорӣ байни ду донишгоҳ ибрози назар намуда, тибқи созишномаи амалкунанда қабули ҳуҷҷатҳоро барои идомаи таҳсил дар Донишгоҳи миллии АвруОсиё ба номи Л.Н. Гумилёв оғоз намуданд.
Ёдовар мешавем, ки барои иҷрои муқаррароти нақшаи чорабиниҳо аз натиҷаи сафари давлатии Президенти Ҷумҳурии Тоҷикистон ба Ҷумҳурии Қазоқистон аз 3-4 майи соли 2023 дар заминаи Донишгоҳи техникии Тоҷикистон факултети муштараки байналмилалии технологияҳои иттилоотии Донишгоҳи миллии АвруОсиё ба номи Л.Н. Гумилёв аз рӯйи ихтисосҳои «информатика (самти омӯзгорӣ)», «маъмурикунонӣ, идора ва ҳифзи системаҳо ва шабакаҳои компютерӣ дар корхонаҳо» ва «системаҳои бехатарии иттилоотӣ» таъсис дода шуд.
АКС: Донишгоҳи техникии Тоҷикистон ба номи академик М.С.Осимӣ
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
Ҳамкории Тоҷикистону Туркия дар самти таҳсилоти олӣ тақвият меёбад
Бо донишҷӯёни Донишгоҳи технологии Тоҷикистон барои бо шуғл фаро гирифтани онҳо вохӯрӣ баргузор шуд
«ШОҲНОМА-ГАНҶИНАИ ҲИКМАТУ ХИРАД». Дар ноҳияи Рӯдакӣ маҳфили илмӣ-адабӣ доир шуд
Дар Донишгоҳи байналмилалии забонҳои хориҷии Тоҷикистон рушди омӯзиши забонҳои хориҷӣ баррасӣ гардид
Дар Душанбе конференсияи байналмилалии «Математика дар ҷаҳони муосир» баргузор шуд
Дар Донишгоҳи давлатии омӯзгорӣ масоили муосири саноати мошинсозӣ ва маводшиносӣ баррасӣ гардид
