Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
ДУШАНБЕ, 19.04.2024 /АМИТ «Ховар»/. Президенти Академияи миллии илмҳои Тоҷикистон Қобилҷон Хушвахтзода ва намояндагони Донишгоҳи Акитаи Ҷопон зимни мулоқот доир ба ҳамкории гуногуни илмию таҳқиқотӣ ба мувофиқа омада, барои густариш додани равобит масъалаҳои муҳимро баррасӣ намуданд. Дар ин хусус ба АМИТ «Ховар» дар Академияи миллии илмҳо иттилоъ доданд.
Дар мулоқот таъкид шуд, ки ҳамкории дуҷониба дар зинаҳои магистратура ва докторантура тақвият бахшида шавад. Гуфта шуд, ки олимони ҷавон аз Академияи миллии илмҳои Тоҷикистон барои омӯхтани таҷриба ва ё машғулияти такмили ихтисос метавонанд худро дар Донишгоҳи Акитаи Ҷопон сабти ном кунанд.
Роҳбарияти академия ба намояндагии Ҷопон пешниҳод намуд, ки дар доираи ҳамкории дуҷониба дар заминаи Академияи миллии илмҳои Тоҷикистон маркази омӯзиши забони ҷопонӣ таъсис дода шавад. Ин иқдом метавонад ба таҳсили олимони ҷавон дар зинаҳои магистратураву докторантура дар Донишгоҳи Акитаи Ҷопон мусоидат намояд. Аз ҷониби тарафайн барои боз ҳам мустаҳкам гардидани ҳамкории илмию таҳқиқотӣ моҳи сентябр баргузор намудани симпозиуми байналмилалӣ бо иштироки олимону зиёиёни Тоҷикистон ва Ҷопон ба нақша гирифта шуд.
Академияи миллии илмҳои Тоҷикистон омода аст ҳамкориро дар соҳаи илмҳои захираҳои геотермалӣ дар самтҳои зерин- таҳия ва татбиқи лоиҳаҳои илмии муштарак, ташкили машваратҳо, конфронсҳо, симпозиумҳо, форумҳо ва дигар чорабиниҳо бо иштироки олимони ду мамлакат, ташаккул додани дониши амиқ дар бораи Тоҷикистон ва Ҷопон дар муассисаҳои илмии ду мамлакат, ташкили таълими донишҷӯён дар муассисаҳои таълимии ҷонибҳо дар зинаҳои магистратура, аспирантура, докторантура, гузаронидани чорабиниҳои муштараки илмӣ барои олимони ҷавон, ташкили таҷрибаомӯзӣ ва машғулияти такмили ихтисос барои олимони ду мамлакат ва ғайра инкишоф диҳад.
АКС: Академияи миллии илмҳои Тоҷикистон
Иштирокчиёни Форуми XI байналмилалии «Кӯдакони Иттиҳод» Қалъаи бостонии Ҳисорро тамошо намуданд
ШОМИ ВАҲДАТУ ҲАМДИЛӢ. Дар Осорхона-мамнуъгоҳи ҷумҳуриявии Данғара ҳамоиши сиёсӣ-фарҳангӣ баргузор шуд
СУЛҲИ БУНЁДКОРИ МО ОМАД! Дар нахустин гомҳои адабиёти тоҷикӣ шиори он ситоиши сулҳу оштӣ ва ҳамбастагии халқҳо буд
«САДОИ ВАҲДАТ». Дар Душанбе бахшида ба Рӯзи Ваҳдати миллӣ консерти байналмилалӣ баргузор мешавад
Муовини Сарвазири Бошқирдистон дар Осорхонаи миллӣ бо марҳилаҳои рушди давлатдории тоҷикон шинос гардид
Доир ба татбиқи ҳадафи чоруми стратегии Ҳукумати Тоҷикистон конференсияи ҷумҳуриявӣ баргузор шуд
Дар Душанбе таҳти унвони «Забон — рукни муҳими Ваҳдати миллӣ» конфронси ҷумҳуриявӣ доир гардид
Дар Тоҷикистон сеюмин Синамоҷашнвораи миллии «Тоҷи Сомон» доир мешавад
Имрӯз даври дуюми Озмуни ҷумҳуриявии «Тоҷикистон-Ватани азизи ман» оғоз шуд
Дар Тоҷикистон Фестивали якуми байналмилалии санъати сирк доир мегардад
«ЭМОМАЛӢ РАҲМОН – БУНЁДГУЗОРИ ВАҲДАТИ МИЛЛӢ». Дар Душанбе конфренсияи илмӣ-амалӣ доир шуд
Дар Душанбе Рӯзи фарҳанги ноҳияи Ҷалолиддини Балхӣ доир шуд
