Дар Душанбе форуми тиҷоратии соҳибкорони Тоҷикистон ва Туркманистон баргузор шуд
ДУШАНБЕ, 05.04.2024 /АМИТ «Ховар»/. Дар шаҳри Душанбе бо иштироки намояндагони Палатаи савдо ва саноати Ҷумҳурии Тоҷикистон ва Иттифоқи саноатчиёну соҳибкорони Турманистон форуми тиҷоратӣ баргузор гардид. Дар ин хусус АМИТ «Ховар» бо истинод ба Палатаи савдо ва саноати ҷумҳурӣ хабар медиҳад.
Бояд гуфт, ки форуми тиҷоратӣ дар доираи сафари расмии Пешвои миллии халқи туркман- Раиси Халқ Маслиҳатии Туркманистон Гурбонгулӣ Бердимуҳамедов ба Ҷумҳурии Тоҷикистон баргузор шуд.
Дар қисмати ифтитоҳи форуми тиҷоратӣ Раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода ва Раиси Иттифоқи саноатчиёну соҳибкорони Туркманистон Нокергул Атагулиев изҳор доштанд, ки баргузории чунин ҳамоиш байни Тоҷикистон ва Туркманистон дар густариши ҳамкорӣ байни соҳибкорони ду давлат ва таҳкими робитаҳои иқтисодии тарафайн нақши назаррас мегузорад.
Дар ҷараёни форуми тиҷоратӣ ҳамзамон имконоти сармоягузории Тоҷикистон ва дигар мавзуъҳои иқтисодиву саноатӣ баррасӣ гардиданд.
Дар анҷоми форуми тиҷоратӣ панҷ созишномаи ҳамкории дуҷониба ба имзо расид.
Аз ҷумла, корхонаи инфиродии «Полат докма ва савдо» бо Ҷамъияти дорои масъулияти маҳдуди «Қолинҳои Душанбе», соҳибкор Мерет Мередсов бо Ҷамъияти дорои масъулияти маҳдуди «Нури Идрис», корхонаи инфиродии «Тоҷир ёли» бо соҳибкор Шуҳрат Назаров, Ҷамъияти хоҷагидории «Хасар» бо Ҷамъияти дорои масъулияти маҳдуди «Файзи хуршед» ва соҳибкор Раҳим Бегҷанов бо ширкати «Ёқут 2000» созишномаи ҳамкорӣ ба имзо расониданд.
АКС: Палатаи савдо ва саноати Ҷумҳурии Тоҷикистон
Масъалаҳои рушди ҳамкории Тоҷикистон ва Русия дар соҳаи энергетика баррасӣ гардиданд
Намояндаи Тоҷикистон дар Конфронси 30-юми ҷаҳонии сармоягузорӣ дар Женева иштирок кард
Тоҷикистон ва Қазоқистон дар соҳаи рушди низоми тиҷорати электронӣ ҳамкориро тақвият медиҳанд
Байни Тоҷикистон ва Арабистони Саудӣ дар самти муқовимат ба коррупсия Ёддошти тафоҳум оид ба ҳамкорӣ ба имзо расид
САРФАИ НЕРУИ БАРҚ МАСЪУЛИЯТИ АХЛОҚИИ ҲАР ЯК ШАҲРВАНД АСТ! Чанд тавсия дар Рӯзи байналмилалии сарфаи энергия
Дар Конфронси байналмилалии телекоммуникатсия се самти афзалиятноки рушди соҳаи алоқаи Тоҷикистон муаррифӣ гардид
РӮЗИ БАЙНАЛМИЛАЛИИ САРФАИ ЭНЕРГИЯ. Истифодаи самараноки неруи барқ яке аз ҳадафҳои муҳими Стратегияи миллии рушди Тоҷикистон аст
Тоҷикистон ва Қазоқистон ҳамкориро дар соҳаи зеҳни сунъӣ густариш медиҳанд
Идоракунии устувори захираҳои обҳои зеризаминӣ дар Тоҷикистон баррасӣ гардид
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
