Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
ДУШАНБЕ, 22.04.2024 /АМИТ «Ховар»/. Новобаста аз вазъи мураккаб ва ҳассоси геосиёсӣ масъалаи муҳим ва асосӣ барои Тоҷикистон- ин дастгирии сохтмони иншооти азим ва стратегии мамлакат -Неругоҳи барқи обии /НБО/ «Роғун» мебошад. Чунин гуфта шуд дар вохӯрии ҳайати Тоҷикистон таҳти роҳбарии муовини якуми Сарвазири мамлакат Ҳоким Холиқзода бо директори Бонки ҷаҳонӣ оид ба масъалаҳои бахши амалиётӣ Анна Бйерде дар Вашингтон.
Дар Бонки миллии Тоҷикистон ба АМИТ «Ховар» иттилоъ доданд, ки вохӯрии ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ Анна Бйерде дар доираи ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ доир шуд.
Дар вохӯрӣ мусоҳибон масъалаи маблағгузории лоиҳаҳо, пешниҳоди тавсияҳо оид ба сиёсати иқтисодӣ ва дастгирии доимии машваратӣ аз ҷониби Бонки ҷаҳониро баррасӣ намуданд.
Ҷониби Тоҷикистон нақши муҳими шарикони рушдро дар таъмини рушди устувори Тоҷикистон таъкид намуда, кумаки саривақтии Бонки ҷаҳониро ба давлатҳои аъзо барои устуворӣ ва мутобиқшавӣ ба таъсири омилҳои берунӣ муассир арзёбӣ намуд.
Гуфта шуд, ки барои Тоҷикистон бунёди яке аз иншооти бузурги стратегӣ — Неругоҳи барқи обии «Роғун» хеле муҳим аст. Таъкид гардид, ки маҳз ташаббуси Бонки ҷаҳонӣ боиси таваҷҷуҳи якчанд ташкилоти байналмилалии молиявӣ дар самти маблағгузорӣ ба Неругоҳи барқи обии «Роғун» гардида, Ҳукумати Тоҷикистон нақша дорад, ки барои анҷом додани сохтмони ин неругоҳ ҷалби сармояро идома диҳад.
Дар робита ба ин Бонки ҷаҳонӣ ҳамчун институти молиявии бонуфуз даъват шуд, ки Неругоҳи барқи обии «Роғун»-ро маблағгузорӣ намояд.
АКС: Бонки миллии Тоҷикистон
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
