Илму маориф дар пешрафти иқтисодию иҷтимоии давлати ҳуқуқбунёд ҷойгоҳи хосса дорад

Апрель 23, 2024 14:49

ДУШАНБЕ, 23.04.2024 /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон ба ифтихори 35-солагии Истиқлоли давлатии Ҷумҳурии Тоҷикистон, Соли маърифати ҳуқуқӣ ва Рӯзи илми тоҷик таҳти унвони «Илму маориф дар пешрафти иқтисодию иҷтимоии давлати ҳуқуқбунёд» конференсияи илмӣ-амалии ҳайати профессорону омӯзгорон ва муҳаққиқони ҷавон баргузор гардид. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи ин донишгоҳ хабар медиҳад.

Иброз гардид, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд, ки рушди илму маориф калиди пешрафти ҳамаи соҳаҳо ва омили муҳимтарини таъмини ояндаи босуботи давлат ва фардои босаодати ҷомеа ба ҳисоб меравад.

Дар ҳамоиш як зумра олимону коршиносон дар мавзуъҳои «Рушди маърифати ҳуқуқӣ – самти муҳими сиёсати ҳуқуқии Тоҷикистони соҳибистиқлол», «Муносибатҳои Ҳиндустон ва Тоҷикистон: дурнамои рушди геополитикӣ», «Таҳкими мақоми Тоҷикистон дар арсаи байналмилалӣ», «Самтҳои афзалиятноки рушди иқтисодиёти «сабз» дар Ҷумҳурии Тоҷикистон»  ва «Нақши маърифати ҳуқуқӣ дар эъмори давлати демократию ҳуқуқбунёд» маъруза намуданд.

Зимни маърузаҳо таъкид шуд, ки асосҳои сиёсати давлатӣ дар соҳаи рушди маърифати ҳуқуқӣ ва шуури ҳуқуқии шаҳрвандон ба ташаккули эҳтироми устувор дар ҷомеа нисбат ба қонунгузорӣ ва рафъи падидаи инкор намудани ҳуқуқ, баланд бардоштани сатҳи фарҳанги ҳуқуқии шаҳрвандон, дар шуури ҷомеа ҷорӣ намудани идеяи иҷрои софдилонаи вазифа ва риояи меъёрҳои ҳуқуқӣ бояд нигаронида шаванд. Дар ҳолати коркард ва татбиқи сиёсати давлатӣ дар соҳаи тарбияи ҳуқуқии аҳолӣ рушди фарҳанги олии ҳуқуқии ҷомеа ба амал меояд. Аз ҷониби дигар, татбиқи сиёсати давлатӣ дар соҳаи рушди маърифати ҳуқуқӣ имкон фароҳам меоварад, ки дархости ҷомеа барои ташаккули фарҳанги пешрафтаи ҳуқуқӣ сари вақт ва босифат ба амал бароварда шавад.

Ёдовар мешавем, ки дар Донишгоҳи давлатии ҳуқуқ, бизнес ва сиёсати Тоҷикистон Ҳафтаи илм, ки аз 15 то 20 апрел баргузор гардид, ҷамъбаст шуд. Дар ҷамъбасти Ҳафтаи илм ғолибони озмунҳои байналмилалӣ ва ҷумҳуриявӣ, ғолибони бахшҳои конференсияи илмӣ-амалии ҳайати профессорону омӯзгорон ва муҳаққиқони ҷавон таҳти унвони «Илму маориф дар пешрафти иқтисодию иҷтимоии давлати ҳуқуқбунёд» бо ифтихорнома ва сипосномаҳои раёсати донишгоҳ қадршиносӣ карда шуданд.

АКС: Донишгоҳи давлатии ҳуқуқ, бизнес ва сиёсати Тоҷикистон

Апрель 23, 2024 14:49

Хабарҳои дигари ин бахш

35-СОЛАГИИ ИСТИҚЛОЛИ ДАВЛАТӢ. Шаҳри Турсунзода гулзор гардидааст
Дар Донишгоҳи технологии Тоҷикистон 127 нафар забони кореягӣ омӯхтанд
«ХОНАНДАИ БЕҲТАРИНИ АСАРҲОИ ПЕШВОИ МИЛЛАТ». Дар Донишгоҳи давлатии Кӯлоб даври аввали озмуни ҷумҳуриявӣ оғоз шуд
Президенти Тоҷикистон ба роҳбарони шаҳру ноҳияҳо супориш доданд, ки ҷиҳати иҷрои саривақтии нақша-чорабиниҳои ҷашни 35-солагии Истиқлоли давлатӣ тадбирҳои зарурӣ андешанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Данғара як қатор иншооти таъйиноти гуногун ба истифода дода шуданд
Пешвои миллат Эмомалӣ Раҳмон бо рафти сохтмони меҳмонхонаи муосир дар маркази ноҳияи Данғара шинос шуданд
Сарвари давлат Эмомалӣ Раҳмон дар минтақаи озоди иқтисодии «Данғара» барои бунёди аввалин корхонаи истеҳсоли таҷҳизоти панелҳои офтобӣ санги асос гузоштанд
Пешвои миллат Эмомалӣ Раҳмон дар ноҳияи Данғара ба фаъолияти Маҷмааи фарҳангию фароғатии «Насими диёр» расман оғоз бахшиданд
Президенти мамлакат Эмомалӣ Раҳмон дар деҳаи Ғарғараи ноҳияи Данғара Маркази ташхис ва табобатиро ба истифода доданд
Сарвари давлат Эмомалӣ Раҳмон дар маркази деҳаи Ғарғараи ноҳияи Данғара гулгашт ва майдони Парчами давлатиро ифтитоҳ намуданд
Пешвои миллат Эмомалӣ Раҳмон дар ноҳияи Данғара Корхонаи истеҳсолии ҶДММ «Усто Файзалӣ»-ро ифтитоҳ намуданд
Президенти мамлакат Эмомалӣ Раҳмон дар ноҳияи Данғара коргоҳи истеҳсолии «Мушки Модар»-ро мавриди баҳрабардорӣ қарор доданд