Имрӯз дар Тоҷикистон зиёда аз 50 ҳазор шаҳрванд ба ташхису машварати ройгон фаро гирифта шуданд
ДУШАНБЕ, 06.04.2024 /АМИТ «Ховар»/. Имрӯз бахшида ба Рӯзи умумиҷаҳонии тандурустӣ (7 апрел) дар тамоми муассисаҳои соҳаи тандурустии Ҷумҳурии Тоҷикистон, аз ҷумла дар Маҷмааи тандурустии «Истиқлол»-и шаҳри Душанбе чорабинии солимгардонии ташхису муоина ва машварати ройгони шаҳрвандон гузаронида шуд. Дар ин хусус АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад.
Дар саҳни бинои Маҷмааи тандурустии «Истиқлол» барои суҳбати мутахассисони соҳа бо шаҳрвандон тамоми шароити муосид фароҳам гардида, дар маҷмӯъ барои машварат ва ташхису муоинаи ройгони сокинон тамоми имконоти лозима муҳайё карда шуд.
Аз субҳи барвақт аллакай шаҳрвандони зиёде ба муассиса омада, аз ташхису муоинаҳои ройгон мегузаштанд ва аз мутахассисони соҳа доир ба беҳтар намудани вазъи саломатии худ тавсияву маслиҳати муфид мегирифтанд.
Дар суҳбат сокинони мамлакат барои фароҳам овардани чунин шароиту имконоти мусоид ба Пешвои муаззами миллат муҳтарам Эмомалӣ Раҳмон ва кормандони соҳаи тандурустӣ изҳори миннатдорӣ баён намуданд.
Ёдовар мешавем, ки чунин чорабинӣ дар муассисаҳои тиббию табобатии ҷумҳуриявӣ, марказҳои саломатии шаҳри Душанбе, шаҳру ноҳияҳои Рӯдакӣ, Ваҳдат ва дар умум дар тамоми муассисаҳои тиббию табобатии вилоятҳо ва шаҳру ноҳияҳои мамлакат ташкил ва баргузор гардида, ба зиёда аз 50 ҳазор шаҳрванд ташхису машварати ройгон расонида шуд.
АКС: АМИТ «Ховар»
Дар Тоҷикистон ҳавои рӯзи аввали моҳи март бебориш пешгӯӣ мешавад
ДИЛ БА ДАСТ ОВАР, КИ ҲАҶҶИ АКБАР АСТ! Анҷом додани амалҳои дорои садақаи ҷория савоби бамаротиб бештар дорад
«САҲМИ ЗАНОН ДАР РУШДИ ИЛМ». Дар Душанбе конференсияи байналмилалии илмӣ-амалӣ баргузор шуд
Касбомӯзӣ метавонад яке аз роҳҳои муассири пешгирии гаравиши наврасону ҷавонон ба гурӯҳҳои ифротгаро бошад
Табибони тоҷик боз як усули нави ҷарроҳиро амалӣ намуданд
Маърузаи навбатии Ваколатдор оид ба ҳуқуқи инсон ба Президенти Тоҷикистон пешниҳод гардид
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
