Кишоварзони ноҳияи Мастчоҳ дар майдони беш аз 12 ҳазор гектар пунбадона кишт менамоянд

Апрель 2, 2024 14:15

ДУШАНБЕ, 02.04.2024 /АМИТ «Ховар»/. Имсол кишоварзони ноҳияи Мастоҳ азм доранд, ки дар майдони 12 ҳазору 440 гектар пунбадона кишт намуда, ҳосилнокиро аз ҳар гектар ба ҳисоби миёна то ба 25-30-сентнерӣ расонанд.

Тавре АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад, Раиси вилояти Суғд ба кишти пахта оғоз бахшида, дар хоҷагии деҳқонии ба номи «Ҷумъа Одина»-и Ҷамоати деҳоти Палдорак бо кишоварзону пахтакорон суҳбат намуда, барои рӯёнидани ҳосили хуб маслиҳатҳои муфид дод.

Хоҷагии деҳқонӣ дорои 10 гектар замини корам буда, саҳмдорон азм доранд имсол дар майдони 7 гектар пахта кишт намоянд. Соли 2023 пахтакорони хоҷагӣ бо риояи қоидаҳои агротехникӣ, сари вақт гузаронидани коркард ва обу ғизодиҳӣ тавонистанд ба натиҷаи баланд дастёб гардида, аз ҳар гектар то 50-сентнерӣ ҳосил гиранд, ки ин аз ҳисоби миёнаи ноҳия хеле баланд мебошад.

Иттилоъ дода шуд, ки дар Ҷамоати деҳоти Палдорак 3 ҳазору 600 гектар замини корам мавҷуд буда, имсол мувофиқи нақша бояд дар 2 ҳазору 120 гектари он пунбадона кишт шавад.

Раиси вилоят дар хоҷагии деҳқонии «Оли Сомон» низ ба кишти чигит оғоз бахшид. Ин хоҷагӣ аз ҷумлаи хоҷагиҳои пешқадам ба ҳисоб рафта, соли равон аз 11 гектар замин  дар 9 гектар чигит кишт мешавад.

Дар ноҳияи Мастчоҳ муҳлати оптималии кишти пахта то 25 апрел ба ҳисоб рафта, кишти саривақтӣ ва риоияи қоидаҳои агротехникӣ боиси рӯёнидани ҳосили дилхоҳ мегардад.

Раиси вилоят зимни мулоқот бо кишоварзону пахтакорон таъкид дошт, ки бо дастгирӣ ва таваҷҷуҳи хоссаи Президенти мамлакат муҳтарам Эмомалӣ Раҳмон барои пешрафти соҳаи кишоварзӣ якчанд тадбирҳои мушаххас андешида шуда, лоиҳа ва барномаҳои соҳавӣ қабул ва барои хоҷагидорон имтиёзҳо пешбинӣ гардидаанд. Кишоварзонро зарур аст, ки бо истифода аз имконият барои ба даст овардани ҳосил дучанд меҳнат намоянд.

Дар ноҳияи Мастчоҳ зиёда аз 6 ҳазору 500 хоҷагии деҳқонӣ фаъолият дошта, самти асосии 3 ҳазору 800 адади он ба кишту парвариши пахта нигаронида шудааст.

АКС: дафтари матбуоти Раиси ноҳияи Мастчоҳ

Апрель 2, 2024 14:15

Хабарҳои дигари ин бахш

Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид
Дурнамои тақвияти ҳамкории Тоҷикистон ва Хазинаи Байналмилалии Асъор дар Вашингтон баррасӣ шуд