Намояндаи Тоҷикистон дар чорабинии сатҳи баланди Маҷмаи Умумии СММ оид ба нақлиёти устувор иштирок намуд
ДУШАНБЕ, 19.04.2024 /АМИТ «Ховар»/. Намояндаи доимии Тоҷикистон дар Созмони Милали Муттаҳид Ҷонибек Ҳикмат дар чорабинии сатҳи баланди Маҷмаи Умумии Созмони Милали Муттаҳид оид ба нақлиёти устувор, ки дар доираи Ҳафтаи устувори Маҷмаи Умумии Созмони Милали Муттаҳид баргузор мегардад, иштирок ва суханронӣ намуд. Дар ин хусус АМИТ «Ховар» бо истинод ба Намояндагии доимии Тоҷикистон дар Созмони Милали Муттаҳид хабар медиҳад.
Намояндаи доимии Тоҷикистон аҳаммияти низоми нақлиёти устуворро, ки дар пешбурди рушди иқтисодӣ, густариши занҷирҳои ҷаҳонии таъминот, тақвияти ҳамкории байналмилалӣ ва пешбурди имконияти баробар дар кишварҳои камтараққикарда, кишварҳои рӯ ба тараққии маҳсур дар хушкӣ ва кишварҳои хурди ҷазиравии рӯ ба тараққӣ (LDC, LLDC, SIDS), бавижа раванди татбиқи Ҳадафҳои рушди устувор нақши муҳим дорад, таъкид кард.
Инчунин Ҷонибек Ҳикмат оид ба имконияти нақлиётии Тоҷикистон, аз ҷумла мавҷудияти якчанд долони бузурги соҳа, ки тавассути қаламрави мамлакат баҳри табодули тиҷоратӣ ва иқтисодӣ, пешбурди робитаҳои минтақавӣ ва рушди устувор, ки бевосита дар татбиқи ҳадафҳои Даҳсолаи дарпешистодаи СММ оид ба нақлиёти устувор, солҳои 2026-2035 мусоидат мекунанд, иттилоъ дод.
Ҳамзамон зарфияти устувори экологӣ дар мамлакат, тавлиди энергияи тоза, истифодаи технологияҳои рақамӣ, инчунин ҷорӣ намудани барномаҳои мухталифи ин самтҳо дар саросари мамлакат таъкид гардид.
Ҳафтаи устувор бо ташаббуси Президенти Маҷмаи Умумии Созмони Милали Муттаҳид ташкил гардида, зимни он, ки 15 апрел шуруъ шуда, 19 апрел ба анҷом мерасад, силсилачорабиниҳои сатҳи баланд дар бахшҳои муҳим, аз ҷумла сайёҳӣ, инфрасохтор, энергетика ва нақлиёт баргузор мегарданд.
АКС: Намояндагии доимии Тоҷикистон дар Созмони Милали Муттаҳид
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
Дар Душанбе мулоқоти сарвазирони Тоҷикистон ва Бурунди баргузор гардид
РАВАНДИ ОБИ ДУШАНБЕ. Ҷаласаи мавзуии «Об барои сайёра» баргузор шуд
РАВАНДИ ОБИ ДУШАНБЕ. Дар Душанбе ҷаласаи мавзуии «Об барои шукуфоӣ» баргузор гардид
Барои бунёди бинои Сафорати Ҷумҳурии Тоҷикистон дар Давлати Кувайт санги асос гузошта шуд
Қоҳир Расулзода бо Вазири федералии тағйирёбии иқлим ва ҳамоҳангсозии муҳити зисти Покистон Мусаддиқ Масъуд Малик мулоқот намуд
РАВАНДИ ОБИ ДУШАНБЕ. Дар доираи Конфронси сатҳи баланд дар мавзуи «Об барои инсонҳо» ҷаласаи канорӣ баргузор шуд
Қоҳир Расулзода бо муовини Дабири кулли СММ, Котиби иҷроияи ЭСКАТО хонум Армида Салсиаҳ Алисҷаҳбана мулоқот намуд
Идомаи Конфронси байналмилалии Душанбе: таваҷҷуҳ ба масъалаҳои об ва иқлим
Болот Молдобеков: «Ташаббусҳои Президенти Тоҷикистон дар бораи оби тоза, ҳифзи пиряхҳо ва иқлим боиси таҳсин аст»
Аббос Алиободӣ: «Эрон омода аст, ки таҷрибаи худро дар соҳаи обу энергетика бо Тоҷикистон ва ҷаҳон мубодила намояд»
Имрӯз Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 оғоз мегардад
