НАВОИ ДӮСТӢ. Дар Душанбе намояндагони Консерваторияи давлатии Узбекистон табодули таҷриба менамоянд
ДУШАНБЕ, 10.04.2024 /АМИТ «Ховар»/. Дар Консерваторияи миллии Тоҷикистон ба номи Талабхӯҷа Сатторов намояндагони филиали Консерваторияи давлатии Узбекистон дар шаҳри Нукуси Ҷумҳурии Қарақалпоқистон табодули таҷриба менамоянд. Дар ин хусус АМИТ «Ховар» бо истинод ба Консерваторияи миллӣ хабар медиҳад.
Мақсади ташрифи устодон коромӯзӣ, табодули таҷриба ва таҳияи нақшаҳои нави ҳамкории минбаъда баҳри рушди санъати касбии мусиқӣ мебошад. Давоми сафари корӣ меҳмонон дар дарсҳои кушоди омӯзгорони Консерваторияи миллӣ аз фанҳои тахассусӣ иштирок намуда, бо нақшаву барномаҳои таълимӣ шинос шуданд.
Инчунин аз ҷониби дирижёри Консерваторияи Нукус, профессор Ҳикмат Раҷабов кор бо оркестри созҳои халқӣ гузаронида шуда, ба онҳо муяссар гардид, ки дар натиҷаи якчанд тамрин таҳти унвони «Навои дӯстӣ» консерти муштарак омода намуда, пешкаши тамошобинон гардонанд.
Бояд гуфт, ки дар барнома оҳангҳо аз эҷодиёти композиторони тоҷик ва узбек садо дода, профессор Рӯдакӣ Алланбаев бо забонҳои тоҷикиву узбекӣ якчанд суруд иҷро намуд.
Профессор Ҳикмат Раҷабов ба қобилият ва маҳорати навозандагии донишҷӯёни Консерватория баҳои баланд дода, иброз дошт, ки минбаъд бояд табодули донишҷӯёнро низ амалӣ намуд, то онҳо тавонанд аз таҷрибаи ҳамдигар биомӯзанд.
АКС: Консерваторияи миллии Тоҷикистон ба номи Талабхӯҷа Сатторов
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
Фарҳанги пурғановати Тоҷикистон дар Туркманистон муаррифӣ мегардад
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
