Одил Рено-Бассо: «Ҳамкории Бонки Аврупоии таҷдид ва рушд ва Тоҷикистонро метавон ҳамчун ҳамкории шарикӣ арзёбӣ намуд»
ДУШАНБЕ, 29.03.2024 /АМИТ «Ховар»/. Имрӯз Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе Президенти Бонки Аврупоии таҷдид ва рушд хонум Одил Рено-Бассоро ба ҳузур пазируфтанд.
Пас аз мулоқот Одил Рено-Бассо дар нишасти хабарӣ бо иштироки хабарнигорони дохиливу хориҷӣ оид ба натиҷаи суҳбат сухан гуфт.
Иттилоъ дода шуд, ки дар мулоқот бо Президенти Ҷумҳурии Тоҷикистон муҳтарам Эмомалӣ Раҳмон афзалиятҳои стратегии мамлакат ва мусоидати Бонки Аврупоии таҷдид ва рушд дар самти тағйирёбии иқлим, дастгирии рушди соҳибкорӣ ва бахши хусусии маҳаллӣ, рақамикунонӣ, ҳамгироии минтақавии иқтисоди миллӣ ва тақвияти иқтидори содиротии «энергияи сабз» баррасӣ гардиданд.
«Соли гузашта Бонки Аврупоии таҷдид ва рушд 30-солагии фаъолияти худро дар Ҷумҳурии Тоҷикистон ҷашн гирифт. Ман шодам, ки дар Тоҷикистон қарор додам ва имрӯз шоҳиди натиҷаҳои фаъолиятамон гардидам, — гуфт Одил Рено-Бассо. — Мо бо мақомоти марказию минтақавӣ ва бо ҷомеаи соҳибкорӣ ҳамкории хуб дорем».
Президенти Бонки Аврупоии таҷдид ва рушд таъкид намду, ки Бонк яке аз бузургтарни сармоягузорон дар Тоҷикистон аст ва бахшҳои энергетика, об, нақлиёт, бонкдорӣ ва соҳобкории хурду миёнаро дастгирӣ намудааст.
«Тавре ман ба Президенти Ҷумҳурии Тоҷикистон муҳтарам Эмомалӣ Раҳмон иброз доштам, ҳамкории моро метавон ҳамчун ҳамкории шарикӣ арзёбӣ намуд», — тазаккур дод Одил Рено-Бассо.
Гуфта шуд, ки дар доираи ин сафар Бонки Аврупоии таҷдид ва рушд тасмим дорад, ки якчанд лоиҳаи қарздиҳии «сабз»-ро дар доираи Нақшаи чорабиниҳои «Шаҳри сабзи Душанбе» ва дастгирии соҳибкорӣ ва савдои занон ба имзо расонад.
Изҳори итминон карда шуд, ки дар оянда шартномаҳои бештар, ки ба беҳтарсозии ҳаёти мардум ва дастгирии рушди устувори Тоҷикистон нигиронида шудаанд, ба имзо мерасанд.
АКС: АМИТ «Ховар»
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
