«САЙРИ ГУЛИ ЛОЛА». Дар Хатлон Фестивали гулҳо баргузор шуд
ДУШАНБЕ, 06.04.2024. /АМИТ «Ховар»/. Дар вилояти Хатлон 5 миллиону 243 ҳазор бех гулу гулбуттаҳо, аз ҷумла 647 ҳазору 487 дона гули лола, 888 ҳазору 475 бех гули садбарг ва 3 миллиону 707 ҳазор бех гулҳои мавсимӣ шинонида шудааст. Дар ин хусус зимни баргузории Фестивали гулҳо таҳти унвони «Сайри гули лола» дар шаҳри Бохтар иттилоъ дода шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Хатлон.
Таъкид гардид, ки баргузории ин фестивал ба вусъат додани корҳои ободонӣ, бунёдкорию созандагӣ дар шаҳру ноҳияҳо, ҷамоатҳои шаҳраку деҳот, деҳа ва маҳаллаҳо, ҳамзамон ҷиҳати ташвиқу тарғиб ва дастрас намудани таҷрибаи пешқадами гулпарварӣ ва зебоипарастӣ бо аҳолӣ мусоидат менамояд.
Иттилоъ дода шуд, ки то ин давра марҳилаи якуми Фестивали гулҳо таҳти унвони «Сайри гули лола» дар шаҳру ноҳияҳо аз рӯи номинатсияи «Гулпарвари беҳтарин» шумора ва намуди гулҳо, аз ҷумла гули лола, иҷрои талаботи гулпарварӣ ва сифати он, масоҳати гулҳои шинонидашуда, барои номинатсияи «Гулгашт ва хиёбон» симо ва сифати роҳравҳо, мавҷуд будани ҷойҳои нишаст, ҳолати ободонӣ ва нигоҳубин (тозагӣ, ороиш бо гулу гулбуттаҳо), мавҷуд будани қуттиҳо (барои партов), барои номинатсияи «Боғҳои фарҳангию фароғатӣ» шумораи гулзор ва намуди гулҳо, аз ҷумла гули лола, интихоб намудани композитсия ва дизайни ҷолиб дар мавзеъҳои гулзоршуда доир шуда, саҳми мақомоти иҷроияи ҳокимияти давлатӣ дар ин самт ба инобат гирифта шуд.
Омӯзиши рафти баргузории фестивал дар шаҳру ноҳияҳо, ҷамоатҳои шаҳраку деҳот ва ҷомеаҳои шаҳрвандӣ, инчунин пешниҳоди маводҳо аз тарафи шаҳру ноҳияҳо собит намуд, ки дар асоси талаботи Низомнома марҳилаи якуми фестивал бомуваффақият ҷамъбаст гардида, дар доираи он корҳои назарраси ободонӣ, кабудизоркунӣ, бунёд намудани гулгаштҳо ва тозаю озода намудани маҳалли зист анҷом дода шудааст.
Ҳамзамон аз ҷараён ва натиҷаи ҷамъбасти онҳо тавассути воситаҳои ахбори оммаи вилоятӣ ва ҷумҳуриявӣ мунтазам барномаҳо пахш гардида, видеороликҳои фестивали гулҳо аз тарафи телевизиони Хатлон дар шаҳру ноҳияҳои вилоят наворбардорӣ ва инъикос карда шуд.
Тибқи хулосаи Комиссияи вилоятии фестивал ғолибон аз рӯи номинатсияҳо муайян шуда, бо диплом ва туҳфаҳо қадрдонӣ шуданд.
АКС: Хадамоти матбуоти Раиси вилояти Хатлон
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
