Шумораи бар асари тӯфони «Раи» ҳалокшудагон дар Филиппин ба 169 нафар расид
ДУШАНБЕ, 25.04.2024 /АМИТ Ховар/. Шумораи бар асари тӯфони «Раи» ҳалокшудагон дар Филиппин ба 169 нафар расид. 107 нафар захмӣ шуда, 50 нафари дигар бедаракшуда ҳисобида мешаванд. Дар ин хусус рӯзномаи The Manila Times бо истинод ба мақомот хабар додааст, иттилоъ медиҳад АМИТ «Ховар».
Тибқи маълумоти онҳо, шумораи зиёди ҳалокшудагон дар минтақаи Висайи Марказӣ — 129 нафар, Висайи Ғарбӣ- 22 нафар, Карага- 10 нафар, Минданаои Шимолӣ- ҳафт нафар ва дар Нимҷазираи Замбоанга як нафар сабт шудааст.
Қаблан агентии France — Presse дар бораи 108 ҳалокшуда бар асари офати табиӣ хабар дода буд.
Расадхонаи обуҳавошиносии Гонконг иттилоъ дод, ки тӯфони нави 22-юми ин мавсим бо номи «Раи» дар қисми ғарбии уқёнуси Ором пайдо шудааст. Мақомоти минтақаи Висайи Шарқии Филиппин аз сабаби наздик шудани тӯфон беш аз 82 ҳазор сокини маҳаллиро ба ҷойҳои амн интиқол доданд. Сокинон дар 274 маркази тахлиявӣ дар музофоти Лейтеи Ҷанубӣ, Лейте, Самар, Самари Шарқӣ, Самари Шимолӣ ва Билиран ҷойгир карда шуданд.
АКС аз манбаъҳои боз
Имрӯз дар Тоҷикистон ҳавои камабри бебориш дар назар аст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
