ТАҚВИМИ АМИТ «ХОВАР»: имрӯз 17 апрел, чоршанбе, 108-умин рӯзи соли 2024 аст

17 апрели соли 2003 дар шаҳри Душанбе Комиссияи байнипалатагии парлумонӣ оид ба ҳамкорӣ байни Маҷлиси намояндагони Маҷлиси Олии Ҷумҳурии Тоҷикистон ва Думаи давлатии Маҷлиси федералии Федератсияи Русия доир шуд.

***

17 апрели соли 2007 дар шаҳри Душанбе аввалин форуми тиҷоратӣ байни  Тоҷикистон ва Латвия баргузор гардид.

***

Дар ин рӯзи соли 2014 Президенти Ҷумҳурии Тоҷикистон Эмомалӣ Раҳмон дар шаҳри Душанбе котибони шуроҳои амнияти давлатҳои аъзои Созмони ҳамкории Шанхайро ба ҳузур пазируфтанд.

***

17 апрели соли 2015 дар хиёбони Рӯдакии пойтахт бо иштироки Президенти Ҷумҳурии Тоҷикистон Эмомалӣ Раҳмон ба сохтмони маҷмааи нави биноҳои маъмурии Хадамоти алоқаи назди Ҳукумати Ҷумҳурии Тоҷикистон оғоз бахшида шуд.

***

17 апрели соли 2015 Президенти Ҷумҳурии Тоҷикистон Эмомалӣ Раҳмон дар иҷлосияи якуми Маҷлиси миллии Маҷлиси Олии Ҷумҳурии Тоҷикистон, даъвати панҷум иштирок ва суханронӣ намуданд.

 ***

Дар ин рӯзи соли 2018 дар шаҳри Душанбе иҷлосияи 23-юми Шурои вазирони корҳои хориҷии Созмони Ҳамкории Иқтисодӣ доир гардид. 

***

Дар ин рӯзи соли 2019 байни Кумитаи миллии олимпии Ҷумҳурии Тоҷикистон ва Кумитаи олимпии Русия ёддошти тафоҳуми ҳамкорӣ ба имзо расид. 

***

Дар ин рӯзи соли 2020 иҷлосияи якуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид, ки дар кори он Президенти Ҷумҳурии Тоҷикистон муҳтарам Эмомалӣ Раҳмон иштирок ва суханронӣ намуданд.

***

17 апрели соли 2021  бинои шуъбачаи милитсияи деҳоти «Сангтӯда»-и шуъбаи Вазорати корҳои дохилӣ дар Ҷамоати деҳоти Сангтӯдаи ноҳияи Данғара ифтитоҳ карда шуд.  

***

17 апрели соли 2022  Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолони вилояти Суғд машварати корӣ доир намуданд. 

***

17 апрели соли 2023 Пешвои миллат Эмомалӣ Раҳмон дар сохторҳои Вазорати корҳои дохилӣ ва КВД «Хоҷагии манзилию коммуналӣ» таъйиноти кадрӣ ба амал оварданд. 

17 АПРЕЛ:

Рӯзи ҷаҳонии бемории гемофилия.

***

Дар Ҷопон — Рӯзи ҳифзи кӯдакон.

***

Дар Сурия – Рӯзи истиқлолият 

ДАР ИН РӮЗ ТАВАЛЛУД ШУДААНД:

Абдулаҳад Қаҳҳоров -соли 1913– ходими ҳизбӣ ва давлатии Тоҷикистон

***

Борис Литвинский-соли 1923– бостоншинос, доктори илми таърих, академики Академияи илмҳои Ҷумҳурии Тоҷикистон, асосгузори мактаби илмии бостоншиносии Тоҷикистон