Ҳаҷми гардиши савдои хориҷӣ байни Тоҷикистон ва Қазоқистон 328 миллион долларро ташкил дод
ДУШАНБЕ, 16.05.2024 /АМИТ «Ховар»/. Дар семоҳаи якуми соли 2024 ҳаҷми гардиши савдои хориҷии мутақобила байни Ҷумҳурии Тоҷикистон ва Ҷумҳурии Қазоқистон 328 миллион долларро ташкил дода, нисбат ба ҳамин давраи соли гузашта 18 миллион доллар, яъне 6 фоиз афзоиш ёфтааст. Дар ин хусус зимни вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода ва Вазири савдо ва ҳамгироии Ҷумҳурии Қазоқистон Арман Шаккалиев иттилоъ дода шуд, хабар медиҳад АМИТ «Ховар».
Иброз гардид, ки бо шарофати сиёсати оқилона ва дурандешонаи роҳбарони ду давлат- Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қазоқистон муҳтарам Қосим-Жомарт Токаев ҳамкории тиҷоратию иқтисодӣ байни давлатҳо рушд ёфта, муносибатҳо ба сатҳи шарикии стратегӣ баромаданд.
Дар вохӯрӣ ҷонибҳо ба мувофиқа расиданд, ки барои иҷрои дастуру супоришҳои роҳбарони ду давлат протоколи ҷаласаи Комиссияи байниҳукуматӣ, Харитаи роҳ оид ба зиёд намудани гардиши савдои Ҷумҳурии Тоҷикистон ва Ҷумҳурии Қазоқистон барои солҳои 2023-2024, бахусус содироти меваю сабзавот ва татбиқи лоиҳаҳои сармоягузорӣ тадбирҳои иловагӣ меандешанд.
Инчунин ба масъалаҳои таъсиси марказҳои тақсимоти яклухт ва татбиқи лоиҳаҳои муштарак дар самтҳои энергетика ва саноат таваҷҷуҳи хосса дода шуд.
Дар анҷоми вохӯрӣ ҷонибҳо омодагиашонро барои густариши ҳамкории судманд баён доштанд.
АКС: Вазорати рушди иқтисод ва савдои Ҷумҳурии Тоҷикистон
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
