Ҳайати Тоҷикистон дар Форуми сеюми байналмилалии сармоягузории Тошканд иштирок намуд
ДУШАНБЕ, 07.05.2024 /АМИТ «Ховар»/. Ҳайати Ҷумҳурии Тоҷикистон таҳти роҳбарии муовини Сарвазири Ҷумҳурии Тоҷикистон Сулаймон Зиёзода дар Форуми сеюми байналмилалии сармоягузории Тошканд иштирок намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад.
Дар Форуми байналмилалии сармоягузории Тошканд намояндагони беш аз 90 давлати ҷаҳон иштирок намуданд.
Форуми байналмилалии сармоягузории Тошканд дар рушди иқтисодиёт, сармоядорӣ, савдо ва тиҷорат дар байни давлатҳо, ҷалби сармояи хориҷӣ дар татбиқи лоиҳаҳои бузург, ҷорӣ намудани технологияҳои муосир нақши муҳим мегузорад.
Дар ҳошияи форум ҳайати Ҷумҳурии Тоҷикистон бо Вазири кишоварзии Ҷумҳурии Узбекистон мулоқот намуда, ҷонибҳо масъалаҳои татбиқи санадҳои қаблан баимзорасидаро дар самти густариш ва тавсияи ҳамкорӣ доир ба кооператсияи саноатӣ байни Ҷумҳурии Тоҷикистон ва Ҷумҳурии Узбекистон баррасӣ намуданд.
Инчунин оид ба рушди ҳамкорӣ дар соҳаи боғпарварӣ, пиллапарварӣ, таъсиси корхонаҳои муштарак, гармхонаҳо ва тайёр намудани кадрҳои баландихтисос дар соҳаи кишоварзӣ ибрози назар карда шуд.
Ҳамзамон дар ноҳияи Чирчиқи вилояти Тошканд Форуми соҳибкорони вилоятҳои Суғд ва Тошканд доир гардид. Дар кори форум раиси вилояти Суғд, Ҳокими вилояти Тошканд ва соҳибкорону сармоягузорони ҳарду давлат иштирок намуданд.
Дар форум роҳбарони вилоятҳо аз густариши робитаҳо, ки самараи сиёсати пешгирифтаи Сарони давлатҳои Тоҷикистон муҳтарам Эмомалӣ Раҳмон ва Узбекистон муҳтарам Шавкат Мирзиёев мебошанд, изҳори қаноатмандӣ карда, инчунин имконияти сармоягузории ду минтақаро муаррифӣ намуданд.
Ҳамзамон байни вилояти Суғд ва вилояти Тошканд «Харитаи роҳ» ба имзо расид.
Дар бахши энергетика зимни мулоқоти судманд байни вазирони энергетикаи Тоҷикистон ва Узбекистон тавсеаи ҳамкорӣ баррасӣ шуд.
АКС: Сафорати Ҷумҳурии Тоҷикистон дар Ҷумҳурии Узбекистон
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
