Ҷаласаи онлайнии комиссияи Озмуни байналмилалии тарҷумонҳои ҷавон доир шуд
ДУШАНБЕ, 30.05.2024. /АМИТ «Ховар»/. 30 май дар шаҳри Санкт-Петербурги Федератсияи Русия бахшида ба «Соли забони русӣ ҳамчун забони муоширати байни миллатҳо дар Иттиҳоди Давлатҳои Мустақил» ҷаласаи комиссияи озмунии Озмуни байналмилалии тарҷумонҳои ҷавон (тариқи онлайн) баргузор гардид, хабар медиҳад мухбири АМИТ «Ховар».
Ташаббускори озмун Ассамблеяи байнипарлумонии ҷавонони давлатҳои аъзои Иттиҳоди Давлатҳои Мустақил буда, Шурои Ассамблеяи байнипарлумонии давлатҳои аъзои Иттиҳоди Давлатҳои Мустақил, Парлумони ҷавонони назди Думаи давлатии Маҷлиси федералии Федератсияи Русия оид ба дастгирии Шурои дипломатҳои ҷавон, Вазорати корҳои хориҷии Федератсияи Русия ҳамоҳангсозони ин озмун мебошанд.
Ҳадаф аз гузаронидани Озмуни байналмилалии тарҷумонҳои ҷавони давлатҳои аъзои Иттиҳоди Давлатҳои Мустақил — рушди малакаҳои эҷодию адабии ҷавонон ва муоширати онҳо бо забони русӣ, тақвияти ҳамкории судманд ва муносибатҳои дӯстона байни ҷавонони Иттиҳод маънидод шудааст.
Дар кори ҷаласаи онлайнии комиссияи озмунӣ муовини ректори Донишгоҳи давлатии Кӯлоб ба номи Абуабдуллоҳи Рӯдакӣ оид ба муносибатҳои байналмилалӣ Шарофат Худойдодова ба ҳайси коршинос иштирок намуда, оид ба натиҷаи баҳодиҳӣ ба корҳои эҷодии иштирокчиёни озмун аз Ҷумҳурии Тоҷикистон маълумоти муфассал пешниҳод намуд.
Мояи ифтихор аст, ки тарҷумонҳои ҷавон аз ҷумҳурии мо дар номинатсияи тарҷумаи осори насрӣ аз русӣ ба тоҷикӣ (Додоҷонова Баҳринисо), осори назмӣ аз тоҷикӣ ба русӣ (Абдуллоева Аниса Фирдавсовна) ва тарҷумаи озод (назм) аз тоҷикӣ ба русӣ (Раҳматуллоева Суман) сазовори ҷойи 1-ум гардиданд.
Коршиносон аз дигар давлатҳои аъзои Иттиҳоди Давлатҳои Мустақил дар ҷамъбасти озмун сухан гуфта, барои такмили Низомномаи озмун ва минбаъд низ гузаронидани чунин озмунҳо дар байни ҷавонон таклифҳои муфид пешниҳод карданд.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
