АРҶГУЗОРӢ БА АРЗИШҲОИ ОИЛАДОРӢ. Дар Хоруғ се оилаи намунавиро қадрдонӣ намуданд

Май 15, 2024 19:06

ДУШАНБЕ, 15.05.2024. /АМИТ «Ховар»/. Бахшида ба Рӯзи байналмилалии оила, ки ҳамасола 15 май баргузор мегардад, аз тарафи бахши Сабти асноди ҳолати шаҳрвандии шаҳри Хоруғ дар ҳамкорӣ бо бахши кор бо занон ва оилаи Мақомоти иҷроияи ҳокимияти давлатии шаҳри Хоруғ маҳфили бошукуҳ доир гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.

Зимни ҳамоиш дар бораи нақши оилаҳои солим дар ҷомеа ва ташкили оилаи намунавӣ сухан гуфта шуд. Ҳадафи баргузории ҳамоиш аз муқаддас донистани арзишҳои оиладорӣ, нигаҳдории меҳру муҳаббат ва ҳамдигарфаҳмӣ дар оила, омода кардани фарзандон ба ҳаёти мустақилона, саҳми арзанда гузоштан дар таълиму тарбияи фарзандон, дар руҳияи ватандӯстӣ ва хештаншиносӣ тарбия намудани онҳо иборат буд.

Дар ҷараёни ҳамоиш аз тарафи бахши фарҳанги шаҳри Хоруғ баҳри иштирокдорон барномаи фарҳангӣ манзур гардид.

Дар анҷоми ҳамоиш аз номи бахши Сабти асноди ҳолати шаҳрвандии шаҳри Хоруғ дар вазъияти тантанавӣ ба тифлакон шаҳодатномаи таваллуд ва туҳфаҳои хотиравӣ супорида шуд.

Ҳамчунин аз тарафи бахши кор бо занон ва оилаи назди Мақомоти иҷроияи ҳокимияти давлатии шаҳр Хоруғ ба 3 оилаи намунавӣ туҳфа тақдим гардид.

АКС: Мақомоти иҷроияи ҳокимияти давлатии шаҳри Хоруғ

Май 15, 2024 19:06

Хабарҳои дигари ин бахш

«СИФАТИ ХИЗМАТРАСОНИИ ТИББӢ». Доир ба беҳтар намудани кумаки статсионарӣ ба модарон, навзодон ва кӯдакон машғулият доир гардид
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд
Директори Хазинаи байналмилалии асъор бо занони пешсафи тоҷик мулоқот намуд
МОҲВОРАИ ҶАВОНОН. Дар шаҳри Бохтар Фестивали бозиҳои миллӣ баргузор гардид
«МАКТАБИ СИЁСИИ ПЕШВОИ МИЛЛАТ». Таҳти чунин унвон конференсияи 4-уми байналмилалии илмӣ-амалӣ доир шуд
БАХШИДА БА РӮЗИ ҶАВОНОНИ ТОҶИКИСТОН. Дар ноҳияи Панҷ бо афсарону сарбозони қисмҳои ҳарбӣ вохӯрӣ доир гардид
Дар Душанбе масъалаи фарогирии умумӣ ба хизматрасонии тандурустӣ баррасӣ гардид
Дар Душанбе бо намояндагони созмонҳои байналмилалӣ оид ба коҳиши хатари офатҳои табиӣ мулоқот доир гардид
ОГОҲИИ АГЕНТИИ ОБУҲАВОШИНОСӢ. Давоми чор рӯз дар Тоҷикистон ҳавои номусоид ва сел пешгӯӣ мешавад
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
«РУШДИ САРМОЯИ ИНСОНӢ». Таҳти чунин унвон Форуми байналмилалӣ доир гардид