АЗ ТАШАББУСҲОИ БАЙНАЛМИЛАЛӢ ИФТИХОР ДОРЕМ. Дар Донишгоҳи технологии Тоҷикистон Рӯзи ҷаҳонии футболро таҷлил намуданд

Май 20, 2024 15:05

ДУШАНБЕ, 20.05.2024. /АМИТ «Ховар»/. 19 май дар Донишгоҳи технологии Тоҷикистон баҳри сазовор таҷлил намудани Рӯзи ҷаҳонии футбол силсилачорабиниҳо баргузор гардиданд. Дар ин хусус АМИТ «Ховар» бо истинод ба ин донишгоҳ хабар медиҳад.

Зимни ҷаласаи тантанавӣ гуфта шуд, ки бо шарофати сиёсати хирадмандона ва дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ташаббусҳои ҷаҳонии Тоҷикистон мавриди қабули ҷомеаи ҷаҳонӣ гардида, нуфузу мартаба ва обрӯву эътибори давлат рӯз аз рӯз дар сатҳи байналмилалӣ боло рафта, таваҷҷуҳи ҷомеаи ҷаҳонӣ ба давлати мо бештар мегардад.

Ҳамин тариқ, ташаббуси навбатии ҷониби Тоҷикистон, ки 9 феврали имсол аз ҷониби Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ ба Созмони Милали Муттаҳид пешниҳод гардид, иқдоми наве дар пайравӣ ба ташаббусҳои башардӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳисоб меравад. Дар ин пешниҳод муҳтарам Рустами Эмомалӣ иброз доштанд, ки нақши футбол дар фарҳанги башарӣ мақоми хосса дошта, бояд он дар сатҳи ҷаҳонӣ пазируфта ва бо қабули қатъномаи махсуси Ассамблеяи генералии Созмони Милали Муттаҳид расман Рӯзи ҷаҳонии футбол таҷлил гардад.

Ассамблеяи генералии Созмони Милали Муттаҳид қатъномаро оид ба эълони Рӯзи ҷаҳонии футбол ба тасвиб расонд ва 25 майро Рӯзи ҷаҳонии қабул намуд, ки барои ҳар тоҷику тоҷикистонӣ ифтихор аст.

Раёсати Донишгоҳи технологии Тоҷикистон ин иқдоми башардӯстонаи байналмилалиро бо ифтихор дастгирӣ намуд. Дар донишгоҳ байни кормандону донишҷӯён- аъзои дастаҳои варзишии футбол мусобиқаи варзишӣ аз намуди футболи хурд барои дарёфти «Ҷоми ректори Донишгоҳи технологии Тоҷикистон» эълон шуд, ки то 25 май идома меёбад.

АКС: Донишгоҳи технологии Тоҷикистон

Май 20, 2024 15:05

Хабарҳои дигари ин бахш

13-14 июн дар минтақаҳои алоҳидаи Тоҷикистон ба амал омадани сел дар назар аст
РАВАНДИ ОБИ ДУШАНБЕ. Конфронси сеюми байналмилалии сатҳи баланд оид ба об зимни нишасти матбуотӣ натиҷагирӣ гардид
РАВАНДИ ОБИ ДУШАНБЕ. Иштирокдорони Конфронси оби Душанбе дар «Dushanbe EXPO Centre» бо иқтидори саноатии Тоҷикистон шинос шуданд
Имрӯз дар Тоҷикистон ҳаво то 38 дараҷа гарм мешавад
Динара Зиганшина: «Масъалаи мутобиқшавӣ ба тағйирёбии иқлимро бояд ба фаъолияти ҳамарӯза ва якҷояи худ табдил диҳем»
Имрӯз дар Тоҷикистон ҳавои камабри бебориш пешгӯӣ мешавад
«МегаФон Life» зангҳо ва паёмакҳои ройгон пешниҳод мекунад
Имрӯз дар Тоҷикистон ҳавои тағйирёбандаи бебориш пешгӯӣ мешавад
СОЛИ МАЪРИФАТИ ҲУҚУҚӢ. Бо сокинони Ҷамоати деҳоти Навободи шаҳри Турсунзода вохӯрӣ доир гардид
ИСТИФОДАИ САМАРАНОКИ ЗАМИН. Омӯзгори ноҳияи Муъминобод хонаводаашро бо маҳсулоти замини наздиҳавлигиаш таъмин менамояд
ИСТИФОДАИ САМАРАНОКИ ЗАМИН. Аъзои хоҷагии деҳқонии «Маъруфҷон»-и Ҷамоати деҳоти Чӯянгарони шаҳри Ваҳдат аз як замин чанд ҳосил мерӯёнанд
Дар Панҷакент гармхона бо таҷҳизот ва таҷрибаи Кореяи ҷанубӣ ба истифода дода мешавад

Маводҳои таҳлилӣ