Дар Донишкадаи саноат ва хизматрасонӣ доир ба инкишофи фанҳои табиатшиносӣ, дақиқ ва риёзӣ конференсия доир шуд

Май 2, 2024 16:19

ДУШАНБЕ, 02.05.2024 /АМИТ «Ховар»/. Дар Донишкадаи саноат ва хизматрасонӣ дар шаҳри Хуҷанд бахшида ба 1050 –солагии Абурайҳони Берунӣ таҳти унвони «Инкишофи фанҳои табиатшиносӣ, дақиқ ва риёзӣ» конференсия доир гардид. Дар ин хусус АМИТ «Ховар» бо истинод  ба ин донишгоҳ хабар медиҳад.

 Иброз гардид, ки конференсия ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ дар заминаи эълон гардидани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) гузаронида шуд.

Таъкид гардид, ки масъалаи рушди фанҳои табиатшиносӣ, дақиқ, омӯзиши технологияҳои муосир ва таҷҳизонидани озмоишгоҳҳои таълимию илмӣ дар муассисаҳои таълимӣ зери назари махсуси Ҳукумати мамлакат ва Вазорати маориф ва илми Ҷумҳурии Тоҷикистон қарор дорад. Зеро пешрафти босуръати илму техника ва раванди рӯзафзуни ҷаҳонишавӣ дар ҷомеаи муосир дигаргуниҳои назаррас ба вуҷуд оварда, аз муассисаҳои таълимӣ тақозо менамояд, ки барои омӯзиши он талоши бештар намоянд.

Дар идомаи кори конференсия як зумра олимону коршиносон дар мавзуъҳои «Низомҳои таълим, бартарӣ ва норасоиҳо» ва «Абурайҳони Берунӣ-алломаи Машриқзамин», ҳамчунин оид ба  нақш ва мақоми илмҳои табиатшиносиву дақиқ ва мавқеи олимони тоҷик дар ин замина маъруза намуданд.

Иброз шуд, ки воқеан, пешрафти ҷаҳони имрӯзаро бе инкишофи илмҳои табиатшиносӣ ва техникӣ тасаввур кардан ғайриимкон аст. Ҳар давлате, ки имрӯзҳо ба пешрафт ноил мегардад, албатта, дар он давлат рушди илм, аз ҷумла илмҳои табиатшиносӣ ва техникӣ хеле хуб ба роҳ монда шудааст. Дар ҳақиқат ҳам омӯзиши фанҳои табиатшиносӣ, дақиқ ва техникӣ дар шароити феълӣ талаботи замони муосир буда, масъулини соҳаро водор менамояд, ки фарҳанги техникии мардумро боло баранд.

Маърузакунандагон иброз доштанд, ки дар таърихи башарият нақшу мақоми олимону муҳаққиқони тоҷик дар риштаи илмҳои табиатшиносӣ ва физикиву астрономӣ хеле зиёд аст.

Ёдовар мешавем, ки Абурайҳон Муҳаммад ибни Аҳмад Берунӣ олими бузурги энсиклопедист, астроном, риёзидон, файласуф, ҷуғрофиётдон, мардумшинос, антрополог, геолог, муаррих, ботаник, башардӯст ва ниҳоят фармаколог буда, тибқи қарори ЮНЕСКО 1050-солагиаш дар Ҷумҳурии Тоҷикистон, Ҷумҳурии Узбекистон, Ҷумҳурии Исломии Эрон ва Ҷумҳурии Туркия ба таври васеъ таҷлил мегардад.

Абурайҳони Берунӣ олим ва мутафаккире аст, ки бо ақидаву назария ва осори оламшумулаш тавонист дар пешрафту тараққиёти ҳама гуна илмҳо саҳми арзишманд гузорад.

Фаъолият ва мероси илмии Абурайҳони Берунӣ барои қишрҳои гуногуни ҷомеа, хусусан наврасону ҷавонон сабақи зиндагӣ ва машъали фурӯзони рӯзгор мебошад.

АКС: Донишкадаи саноат ва хизматрасонӣ дар шаҳри  Хуҷанд

Май 2, 2024 16:19

Хабарҳои дигари ин бахш

Вобаста ба таҳияи омори расмии раванди мутобиқшавӣ ба тағйирёбии иқлим ҳамоиш доир шуд
Дар доираи Солҳои рушди иқтисоди рақамӣ ва инноватсия таҷҳизоти нигоҳдорӣ ва истифодаи китобҳо беҳтар мегардад
Барои дарёфти «Ҷоми ректори Донишгоҳи технологии Тоҷикистон» мусобиқаи варзишӣ эълон карда шуд
ИСТИФОДАИ САМАРАНОКИ ЗАМИН. Таваҷҷуҳи сокинон ба парвариши маҳсулот дар гармхона бештар гардидааст
Моҳи май дар Душанбе Форуми ХVIII зиёиёни эҷодкор ва олимон баргузор мешавад
Дар Истаравшан вобаста ба истифодаи оқилонаи неруи барқ ҳамоиш баргузор гардид
Имрӯз дар Тоҷикистон сар задани селҳои маҳаллӣ аз эҳтимол дур нест
Озмуни экологии «Моҳи ҳифзи пиряхҳо 2025» ҷамъбаст гардид
Дар Донишгоҳи давлатии Кӯлоб оид ба таъсири интернет ва расонаҳои рақамӣ конфронс доир шуд
Вазъ ва мушкилоти таълими фанни мантиқ дар мактабҳои олии Тоҷикистон баррасӣ гардид
Имрӯз дар Тоҷикистон ҳаво то 35 дараҷа гарм мешавад
Вобаста ба нақши Мирзо Турсунзода дар рушди адабиёт ва фарҳанги миллӣ конфронс баргузор гардид