Дар шаҳри Хоруғ даври шаҳрии озмуни ҷумҳуриявии «Илм- фурӯғи маърифат» ҷамъбаст гардид

ДУШАНБЕ, 25.05.2024 /АМИТ «Ховар»/. Дар Муассисаи давлатии «Литсей барои хонандагони болаёқат»-и шаҳри Хоруғ даври шаҳрии озмуни «Илм-фурӯғи маърифат» ҷамъбаст гардид. Дар ин хусус АМИТ «Ховар» бо истинод ба мақомоти иҷроияи ҳокимияти давлатии шаҳр хабар медиҳад.

Дар ҷамъбасти озмун иброз гардид, ки баргузории Озмуни ҷумҳуриявии «Илм — фурӯғи маърифат» аз ташаббусҳои навбатии беназири Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти ҳавасмандгардонии қишрҳои гуногуни ҷомеа ба омӯзишу донишандӯзӣ, навҷӯиву навоварӣ ва истифодаи имконияти илм дар амал маҳсуб мешавад.
Он тибқи Амри Президенти Ҷумҳурии Тоҷикистон аз 11 феврали соли 2021 дар доираи амалисозии барномаи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» гузаронида мешавад.

Дар даври шаҳрии Озмуни ҷумҳуриявии «Илм — фурӯғи маърифат» 186 нафар иштирок намуда, 80 нафар ба даври вилоятӣ роҳхат гирифт. Ғолибон бо мукофотҳои пулӣ ва Диплом қадрдонӣ карда шуданд.

АКС: Рӯзномаи «Нигини Хоруғ»