«ҲЕҶ КАС ВА ҲЕҶ ЧИЗ ФАРОМӮШ НАШУДААСТ». Дар Осорхонаи миллии Тоҷикистон намоиши ҷашнӣ ифтитоҳ ёфт
ДУШАНБЕ, 04.05.2024 /АМИТ «Ховар»/. Дар Осорхонаи миллии Тоҷикистон намоиши «Ҳеҷ кас ва ҳеҷ чиз фаромӯш нашудааст» ифтитоҳ гардид. Дар ин хусус ба АМИТ «Ховар» сардори шуъбаи методӣ ва омода намудани кадрҳои илмии Осорхонаи миллии Тоҷикистон Алишер Зарипов иттилоъ дод.
Зимни ифтитоҳи намоиш доир ба саҳми халқи тоҷик дар Ҷанги дуюми ҷаҳон ибрози назар карда шуд. Изҳор гардид, ки воқеан, дар солҳои мудҳиши ҷанг беш аз 300 ҳазор фарзандони Тоҷикистон ба муҳорибаҳо ҷалб шуда, аз се як ҳиссаи онҳо аз майдонҳои набард барнагаштанд.
Ба намоиш аз фонди Осорхонаи миллӣ ва Осорхонаи давлатии таърихи сиёсии Русия мусаввараву нимпайкараҳо, ҳуҷҷату аксҳо, лавозимоти ҷангӣ, ордену медалҳо пешниҳод шудаанд, ки аз диловариву шуҷоат ва ҷонбозиҳои фарзандони Тоҷикистон дар солҳои мудҳиши Ҷанги дуюми ҷаҳон қисса мекунанд.
Дар ҷараёни намоиш аз ҷониби кормандони ансамбли «Шараф»-и Вазорати мудофиаи ҷумҳурӣ, донишҷӯёни Донишкадаи давлатии фарҳанг ва санъати Тоҷикистон ба номи Мирзо Турсунзода, Донишгоҳи славянии Русияву Тоҷикистон ва хонандагони Муассисаи таҳсилоти миёнаи умумии №70-и шаҳри Душанбе барномаи фарҳангӣ, ки тараннумгари ватандӯстӣ ва шуҷоату мардонагӣ буд, пешниҳод гардид.
Намоиши «Ҳеҷ кас ва ҳеҷ чиз фаромӯш нашудааст» то 18 май идома меёбад.
АКС: Осорхонаи миллии Тоҷикистон
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
