«МАСЪАЛАҲОИ ФАРҲАНГИ МУОСИРИ БАДЕИИ ТОҶИК». Таҳти чунин унвон ба бузургдошти хотираи санъатшиноси тоҷик Саъдулло Раҳимов ҳамоиш доир шуд
ДУШАНБЕ, 26.05.2024 /АМИТ «Ховар»/. Дар шаҳри Душанбе бахшида ба бузургдошти хотираи файласуф ва санъатшиноси тоҷик Саъдулло Раҳимов таҳти унвони «Масъалаҳои фарҳанги муосири бадеии тоҷик» ҳамоиш баргузор гардид. Дар ин хусус ба АМИТ «Ховар» дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон хабар доданд.
Гуфта шуд, ки дар ташаккул ва рушди фарҳанги тоҷик саҳми фарҳангшиноси варзида, олими пурмаҳсул Саъдулло Раҳимов беназир аст, зеро ӯ на танҳо дар таҳқиқ ва баррасии фарҳанги зебоишиносии тоисломии миллати тоҷик, балки дар рушд ва рафъи камбудиҳои ҷойдоштаи соҳаи фарҳанги зебоишиносии миллӣ низ хизматҳои бориз кардааст.
Дар ҳамоиш олимони соҳаҳои гуногун иштирок намуда, доир ба пешрафту мушкилоти соҳаи фарҳанг мубодилаи афкор намуданд.
Ёдовар мешавем, ки фарҳангшинос, муҳаққиқ ва мунаққиди синамо, доктори илмҳои фалсафа Саъдулло Раҳимов 8 ноябри соли 1951 дар ноҳияи Роминати вилояти Бухоро таваллуд шудааст.
Саъдулло Раҳимов факултаи забон ва адабиёти руси Донишгоҳи давлатии Тоҷикистонро соли 1974 хатм карда, дар Институти фалсафаи Академияи илмҳои Тоҷикистон фаъолият намуда, аз лаборант то котиби илмӣ расидааст. Солҳои 1997—1998 ҳамчун муовини Раиси Кумитаи телевизион ва радиошунавоии ҷумҳурӣ заҳмат кашидааст. Инчунин аз соли 2011 то 2024 котиби Иттифоқи кинематографистони Тоҷикистон буд. Ӯ яке аз ташаббускорони кинофестивали байналмилалии «Дидор», ки дар ду сол як маротиба дар пойтахти Тоҷикистон- шаҳри Душанбе баргузор мегардид, мебошад.
Саъдулло Раҳимов- фарҳангшинос, муҳаққиқ ва мунаққиди синамо ва доктори илмҳои фалсафа 4 майи соли 2024 дар Душанбе аз олам чашм пӯшид.
АКС: Академияи миллии илмҳои Тоҷикистон
Китобхонаи миллии Тоҷикистон беш аз 100 асари Пешвои миллатро дар шакли электронӣ мавриди истифодаи умум қарор дод
Мудири кулли ЮНЕСКО хонум Одри Азуле дар Осорхонаи миллии Тоҷикистон бо таъриху тамаддуни халқи тоҷик шинос шуд
ДИДГОҲЕ БАРОИ ПЕШРАФТИ ИЛМ. Андешаҳо дар ҳошияи мулоқоти Президенти Тоҷикистон бо аҳли илм ва маорифи мамлакат
Рӯзи шанбе дар милитсияи Хатлон «Рӯзи театр» эълон гардид
Дар қароргоҳи ЮНЕСКО дар Париж 815-солагии Мавлоно Ҷалолуддини Балхӣ таҷлил гардид
«СУРУДҲОИ МОНДАГОР». Дар қароргоҳи ЮНЕСКО-шаҳри Париж барномаи фарҳангии ҳунармандони тоҷик доир шуд
Дар конференсияи байналмилалӣ ба бузургдошти Мавлоно Ҷалолуддини Балхӣ дар Париж маҷаллаи «Пайванд» рӯнамоӣ шуд
«МАВЛОНО ҶАЛОЛУДДИНИ БАЛХӢ ВА САҲМИ Ӯ ДАР ГУСТАРИШИ ФАРҲАНГИ ҶАҲОН». Таҳти чунин унвон бо ташаббуси Тоҷикистон дар ЮНЕСКО конференсияи байналмилалӣ оғоз гардид
«АЗ ХУРОСОНАМ КАШИДӢ, ТО БАРИ ЮНОНИЁН…». Ба гиромидошти хотираи мутафаккири бузурги тоҷик мавлоношиносони ҷаҳон дар Париж ҷамъ меоянд
«ҶОН ШАВУ АЗ РОҲИ ҶОН ҶОНРО ШИНОС». Тоҷикистон 815-солагии Мавлоно Ҷалолуддини Балхиро дар қароргоҳи ЮНЕСКО таҷлил менамояд
«ТОҶИКИСТОН-ВАТАНИ АЗИЗ МАН». Даври дуюми озмуни ҷумҳуриявӣ то охири моҳ ҷамъбаст мегардад
Дар шаҳри Остона ҷаласаи умумии 78-уми Шурои мудирони Маркази байналмилалии илмию техникӣ доир гардид
