Мутахассисони ҷавони ихтисоси омӯзгории Донишгоҳи байналмилалии забонҳои хориҷии Тоҷикистон ба кор ҷалб шуданд
ДУШАНБЕ, 09.05.2024. /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода ҳамоиш оид ба тақсим ва ба кор ҷалб намудани хатмкунандагони ихтисосҳои омӯзгорӣ баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.
Иброз гардид, ки дар соли таҳсили 2024 теъдоди хатмкунандагони донишгоҳ аз рӯйи равияи омӯзгорӣ ба 649 нафар мерасад. Аз шумораи умумии хатмкунандагони равияи омӯзгорӣ 385 нафар дар шуъбаи таҳсилоти фосилавӣ ва 264 нафар дар шуъбаи рӯзона таҳсил менамоянд. Инчунин донишгоҳро 78 донишҷӯи шуъбаи рӯзона тариқи буҷавӣ, 44 нафар тибқи квотаи президентӣ ва 142 нафар тариқи шартномавӣ хатм мекунанд.
Бояд гуфт, ки ҳоло дар ин донишгоҳ аз 50 шаҳру ноҳияи ҷумҳурӣ донишҷӯён таҳсил доранд.
Дар идома роҳбарияти Вазорати маориф ва илми Ҷумҳурии Тоҷикистон бо хатмкардагон мулоқоти судманд анҷом доданд.
Иброз гардид, ки бо ташаббусу иқдоми наҷиби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои донишомӯзону омӯзгорон беҳтарин шароит ва имконият фароҳам оварда шудааст. Аз ин рӯ, ҷавонони саодатманди тоҷик ҷавобан ба ҳамаи ин ғамхориҳо бояд ба донишандӯзиву забономӯзӣ машғул шуда, ҳамчун омӯзгор дар таълиму тарбияи насли ояндасози миллат саҳм гузоранд.
Таъкид гардид, ки ҳангоми таъмин шудан бо ҷой кор омӯзгорони ҷавон бояд бомасъулият фаъолият намуда, насли ояндасози миллатро дар руҳияи худшиносиву ватандӯстӣ, арҷ гузоштан ба муқаддасоти миллӣ ва ҳимояи марзу буми давлатӣ таълим диҳанд.
АКС: Донишгоҳи байналмилалии забонҳои хориҷии Тоҷикистон
Маорифчиёни ноҳияи Шоҳмансур Ҷашни байналмилалии Наврӯзро дар сатҳи баланд таҷлил намуданд
МАСЛИҲАТ БА ДОВТАЛАБ. Ҳангоми интихоби касб довталаб бояд бештар дониш ва истеъдодашро ба назар гирад
Бахшида ба 1050-солагии Робиаи Балхӣ дар Донишгоҳи давлатии Кӯлоб конференсияи илмӣ-назариявӣ доир гардид
Барои пурсамар гузаронидани давраи таътил ба хонандагон мутолиаи кадом китобҳо тавсия дода мешавад?
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
