Намояндагони Кумитаи рушди сайёҳии Тоҷикистон дар Боку дар форуми танзимгарони сайёҳии Созмони ҳамкории иқтисодӣ иштирок доранд
ДУШАНБЕ, 03.05.2024. /АМИТ «Ховар»/. 2 май дар шаҳри Бокуи Ҷумҳурии Озарбойҷон нахустин форуми танзимгарони сайёҳии давлатҳои аъзои Созмони ҳамкории иқтисодӣ (СҲИ) бо иштироки намондагони мақомоти сайёҳии давлатҳои аъзои Созмони ҳамкории иқтисодӣ ва ширкатҳои сайёҳии давлатҳои аъзои ин созмон баргузор гардид, ки дар кори он намояндагони Кумитаи рушди сайёҳӣ бо ширкатҳои сайёҳии ватанӣ иштирок доранд. Дар ин хусус АМИТ «Ховар» бо истинод ба ин кумита хабар медиҳад.
Форум бо мизбонии Агентии давлатии сайёҳии Озарбойҷон дар мавзуи «Туризм дар минтақаи Созмони ҳамкории иқтисодӣ: имконият ва мушкилот» ташкил ва бо суханронии дабири кулли Созмони ҳамкории иқтисодӣ Хусрав Нозирӣ ифтитоҳ гардид.
Дабири кулл зимни суханронӣ ба Агентии давлатии сайёҳии Озарбойҷон барои дастгирӣ ва баргузории форум изҳори миннатдорӣ намуда, гуфт, ки баргузории чунин чорабиниҳо ба рушди ҳамкорӣ дар соҳаи сайёҳӣ байни давлатҳои аъзои Созмони ҳамкории иқтисодӣ такони ҷиддӣ мебахшад. Инчунин аз ҷониби дабири кулл ба иштирокчиён вобаста ба рушди сайёҳӣ дар минтақаи Созмони ҳамкории иқтисодӣ ва пешрафти соҳаи сайёҳӣ дар Озарбойҷон маълумот дода шуд.
Баъд аз суханрониҳои меҳмонони воломақом нахустин форуми танзимгарони сайёҳии давлатҳои аъзои Созмони ҳамкории иқтисодӣ, ки бори аввал мегузарад, бо ташкили панелҳо барои муҳокимаи масъалаҳо аз ҷониби коршиносон идома ёфт.
Дар форум коршиносон аҳамияти ҳамкорӣ дар таҳияи бастаҳои сайёҳии муштараки давлатҳои аъзои Созмони ҳамкории иқтисодӣ, аз ҷумла ECO Duo, ECO Multi, ECO Nature ва Capital Tourism ECO-ро мавриди муқокима қарор доданд. Дар муҳокимаҳои панелӣ ба стратегияҳои таҳия, татбиқ ва маркетинги хатсайрҳо, аҳамияти ҷалби муштариёни маҳаллӣ ва ҷавонон, тавлиди талабот ва бастани шартномаҳои мувофиқ таваҷҷуҳ зоҳир гардид.
Ёдовар мешавем, ки нахустин форуми танзимгарони сайёҳии давлатҳои аъзои Созмони ҳамкории иқтисодӣ 2 май дар шаҳри Бокуи Ҷумҳурии Озарбойҷон оғоз шуда, то 4 май идома меёбад.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо ширкати нидерландии EISIVIER баррасӣ гардид
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
РУШДИ САЙЁҲӢ. Резервати биосферии «Ромит» ба макони писандидаи сайёҳон табдил ёфтааст
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
Дар Донишгоҳи байналмилалии сайёҳӣ ва соҳибкории Тоҷикистон Рӯзи Модар бошукуҳ таҷлил карда шуд
Масато Канда бо имконоти таълимӣ ва инфрасохтори муосири Донишгоҳи байналмилалии сайёҳӣ ва соҳибкории Тоҷикистон шинос шуд
Иқтидори сайёҳии Тоҷикистон дар Намоишгоҳи байналмилалии сайёҳии «ITB Berlin 2026» муаррифӣ мегардад
Дар Машҳад имкониятҳои сайёҳии Тоҷикистон муаррифӣ шуданд
Ховалинг – минтақаи сайёҳӣ. Соли 2025 ёдгориҳои таърихиву фарҳангии ноҳияро 73 ҳазору 90 сайёҳ тамошо кардааст
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
