Ғолибони даври шаҳрии олимпиадаҳои фанни хонандагони муассисаҳои таълимии пойтахт дар соли 2024 муайян гардиданд

Май 9, 2024 16:43

ДУШАНБЕ, 09.05.2024 /АМИТ «Ховар»/. 7 май дар шаҳри Душанбе маросими ҷоизасупории ғолибони даври сеюми (шаҳрӣ) олимпиадаҳои фаннӣ, олимпиадаи даставии «Истеъдод», олимпиада оид ба «Шоҳмот» ва «Spelling bee» баргузор гардид. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.

Ташкили озмуну олимпиадаҳо яке аз воситаҳои муҳими дарёфти хонандагони боистеъдод ва лаёқатманд буда, дар ин самт бо дастгирии Раиси шаҳри Душанбе муҳтарам Рустами Эмомалӣ тадбирҳои судманду муассир амалӣ карда мешаванд ва то рафт дар пойтахт ҳаракати олимпии хонандагон вусъат ва шумораи бештари хонандагонро фаро гирифта мегирад.

Танҳо дар ҳамин сол дар пойтахт 8 олимпиадаи гуногуни фаннӣ ва зеҳнӣ бо ҷалби зиёда аз 5000 хонандаи синфҳои 5-11 баргузор гардиданд, ки ин нишондод нисбат ба солҳои қаблӣ ба маротиб бештар аст. Дар ин сабқатҳо аз чор ноҳияи пойтахт 5202 нафар иштирок намуда, аз ин шумора 1206 нафар сазовори ҷойҳои ифтихорӣ гардиданд, ки 188 нафари онҳо хонандагони синфҳои 11 мебошанд. Ҷамъбаст ва натиҷагирии даври сеюми олимпиадаҳои фаннии хонандагон нишон дод, ки ноҳияи Сино бо гирифтани 599 ҷойи ифтихорӣ мақоми аввал, ноҳияи Фирдавсӣ бо гирифтани 223 ҷойи ифтихорӣ мақоми ҷойи дуюм, ноҳияи Исмоили Сомонӣ ва Шоҳмансур бо гирифтани 218 ҷойи ифтихорӣ мақоми сеюмро ишғол намуданд.

Маросими ҷоизасупории ғолибони даври сеюми (шаҳрӣ) олимпиадаҳои фаннӣ аз рӯйи 12 номинатсия, аз ҷумла “Мақомотҳои иҷроияи ҳокимияти давлатии фаъол дар самти ҳаракати олимпӣ», “Шуъбаҳои маорифи фаъол дар самти ҳаракати олимпӣ”, “Даҳгонаи муассисаҳои таҳсилоти типи нав дар самти ҳаракати олимпӣ”, “Даҳгонаи беҳтарин муассисаҳои таҳсилоти миёнаи умумӣ дар самти ҳаракати олимпӣ”, “Ноҳияи фаъол дар самти ҳаракати олимпӣ”, “Марказҳои дарёфт ва рушди истеъдодҳои дар самти ҳаракати олимпӣ фаъоли пойтахт”, “Беҳтарин дастаи муассисаҳои таҳсилоти миёнаи умумӣ дар олимпиадаи даставии «Истеъдод»”, “Беҳтарин дастаи муассисаҳои таҳсилоти типи нав дар олимпиадаи даставии «Истеъдод»”, “Беҳтарин дастаи шоҳмотбозони пойтахт”, “Беҳтарин дастаи муассисаҳои таҳсилоти миёнаи умумӣ дар олимпиадаи «Spelling Bee»”, “Беҳтарин дастаи муассисаҳои таҳсилоти типи нави олимпиадаи «Spelling Bee»”, “Ғолибони даври сеюми (шаҳрӣ) олимпиадаҳои фаннӣ” баргузор гардид.

Дар рӯзи чорабинии ҷамъбастӣ 248 хонандаи муассисаҳои таълимии шаҳри Душанбе, ки ҷойҳои фахриии олимпиадаҳои фанниро сазовор гардиданд, қадрдонӣ карда шуданд.

Ёдовар мешавем, ки наврасони пойтахт бо вуҷуди ҳанӯз хурдсол будан дар озмуну олимпиадаҳои байналмилалӣ иштирок намуда, бо дастовардҳои илмиву эҷодии худ имконияту қобилияти фарзандони Тоҷикистонро дар байни кишварҳои дигар ба таври шоиста муаррифӣ менамоянд.

АКС: Сарраёсати маорифи шаҳри Душанбе

Май 9, 2024 16:43

Хабарҳои дигари ин бахш

Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Байни Маркази барномаҳои байналмилалӣ ва Муассисаи таълимии байналмилалии «Оксфорд» Созишномаи ҳамкорӣ ба имзо расид
Масъалаи ҳамкорӣ дар соҳаи маорифи Тоҷикистон ва Зимбабве баррасӣ гардид
Маркази эҷодии кӯдакон ва наврасони ноҳияи Фирдавсӣ сазовори Ҷоми «Сарраёсати маорифи шаҳри Душанбе» гардид
Дар 21 шаҳру ноҳияҳои Тоҷикистон барои кормандони муваққатии марказҳои имтиҳонӣ машварати омӯзишӣ баргузор мегардад
Даври дуюми бақайдгирӣ барои иштирок дар имтиҳонҳои марказонидаи дохилшавӣ аз моҳи июн оғоз мешавад
Ҷавонони боистеъдоди тоҷик дар беҳтарин муассисаҳои таҳсилоти олии давлатҳои пешрафтаи ҷаҳон таҳсил доранд
Дар Вазорати маориф ва илм рафти иҷрои барномаҳои давлатии соҳаи маориф дар шаҳру ноҳияҳои тобеи ҷумҳурӣ баррасӣ гардид
Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ ифтитоҳ гардид
Президенти Тоҷикистон: «Барои таълиму тарбияи наврасону ҷавонон 11 лоиҳаи сармоягузории давлатӣ татбиқ мегардад»
Бо мақсади омӯзиши ҳатмии забонҳои хориҷӣ замимаи мобилии «Забондон» таҳия гардид
Робитаҳои илмӣ-академӣ байни муассисаҳои таълимии Тоҷикистон ва Федератсияи Русия тақвият меёбанд