Раёсати ҳифзи муҳити зист дар минтақаи Кӯлоб соҳиби бинои замонавӣ мегардад
КӮЛОБ, 03.05.2024. /АМИТ «Ховар»/. Дар назди бинои Раёсати ҳифзи муҳити зист дар минтақаи Кӯлоб бинои нави раёсат сохта мешавад, ки дар айни замон дар он корҳо бо вусъати тоза идома доранд. Бино бо маблағгузории Кумитаи ҳифзи муҳити зисти назди Ҳукумати Ҷумҳурии Тоҷикистон сохта шуда, аз 5 ошёна ва таҳхона иборат мебошад. Дар ин хусус сардори Раёсати ҳифзи муҳити зисти минтақаи Кӯлоб Қурбон Соҳибов ба АМИТ «Ховар» иттилоъ дод.
Гуфта шуд, ки иншоот дар доираи омодагӣ ба ҷашни 35 – солагии Истиқлолияти давлатӣ сохта шуда, бо тамоми таҷҳизоти зарурӣ муҷаҳҳаз ва бо мизу курсиҳои замонавӣ таъмин мегардад.
Ҳоло дар ошёнаи 3 –юми бино сохтмон идома дошта, 15 коргари маҳаллӣ ба кор ҷалб гардидаанд. Бино барои кормандони Раёсати ҳифзи муҳити зист дар минтақаи Кӯлоб ва шаҳри Кӯлоб пешбинӣ шудааст.
Ба иттилои Қурбон Соҳибов, баъди анҷоми сохтмон дар ошёнаи якуми бино осорхонаи замонавӣ барои парандагону ҳайвоноти нодир, дар таҳхонаи бино озмоишгоҳи Раёсат бо тамоми таҷҳизот ва дар ошёнаи панҷуми он меҳмонхона ба истифода дода мешавад.
Бинои нави Раёсати ҳифзи муҳити зист дар минтақаи Кӯлоб тибқи нақша охири соли 2024 ба истифода дода мешавад.
АКС: АМИТ «Ховар»
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар шаҳри Душанбе ҳаво то 24 дараҷа гарм мешавад
Имрӯз дар Тоҷикистон ҳавои тағйирёбанда пешгӯӣ мешавад
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
Имрӯз дар шаҳри Душанбе борони кӯтоҳмуддат меборад
Ҷамъи 11: МегаФон Тоҷикистон шабакаи идораҳои хизматрасонӣ ба муштариёнро васеъ менамояд
