Тоҷикистон барои таъсиси паркҳои технологии муштарак бо ниҳодҳои СММ ва шарикони рушд ҳамкорӣ менамояд
ДУШАНБЕ, 14.05.2024 /АМИТ «Ховар»/. Вазорати саноат ва технологияҳои нави Ҷумҳурии Тоҷикистон дар ҳамкорӣ бо Намояндагии доимии Тоҷикистон дар Созмони Милали Муттаҳид ва дигар давлатҳои шарик дар қароргоҳи Созмони Милали Муттаҳид /СММ/ дар Ню-Йорк дар мавзуи «Аҳамияти таъсиси паркҳои технологӣ бо истифода аз ашёи хоми мавҷуда» чорабинии канорӣ доир намуд. Дар ин хусус АМИТ «Ховар» бо истинод ба Вазорати саноат ва технологияҳои нави ҷумҳурӣ иттилоъ медиҳад.
Вазири саноат ва технологияҳои нави Ҷумҳурии Тоҷикистон Шералӣ Кабир зимни нишаст аҳамияти таъсиси паркҳои технологӣ ва нақши онҳоро дар рушди саноати мамлакат зарур шуморида, таъкид намуд, ки ҳоло ин иқдом дар Тоҷикистон дар доираи ташаббуси Президенти Ҷумҳурии Тоҷикистон муҳтарам Эмомалӣ Раҳмон дар доираи саноатикунонии босуръати мамлакат ҳамчун ҳадафи чоруми стратегии Ҳукумати Ҷумҳурии Тоҷикистон дар ҳоли рушд қарор дорад.
Сарвари давлат дар назди Вазорати саноат ва технологияҳои нав барои гузаштан ба технологияи пешрафтаи рақамӣ ва истифодаи васеи зеҳни сунъӣ дар истеҳсолоти ватанӣ баҳри таъмини рақобатпазирии иқтисодиёти миллӣ вазифаҳои мушаххас гузоштанд. Дар раванди амалисозии ҳадафи чоруми стратегӣ таъсиси паркҳои технологии илмиву истеҳсолӣ шарти муҳим ва самти афзалиятнок муайян гардид. Бо ҳамин мақсад вазорат ниҳодҳои соҳавии Созмони Милали Муттаҳид, ниҳодҳои байналмилалии молиявӣ, шарикони рушд ва давлатҳои аъзоро даъват намуд, ки дар табодули илмиву фанноварӣ, ҷалби ниҳодҳои байналмилалии соҳавӣ ва таъсиси паркҳои технологии муштарак ҳамкории судманд намоянд.
Дар нишаст ба иштирокдорон ҳамчунин стратегияҳои рушд ва имконоти ҳамкории иқтисодии Тоҷикистон муаррифӣ гардид.
Нишаст дар ҳошияи Форуми нуҳуми бисёрҷонибаи тарафҳои манфиатдор оид ба илм, технология ва инноватсия барои Ҳадафҳои Рушди Устувор баргузор гардид. Дар нишаст намояндагони воломақоми давлатҳои иштирокчӣ доир ба мавзуъҳои пешниҳоднамудаи Тоҷикистон ибрози назар карда, омодагиашонро ба пешбурди масъала дар чорабиниҳои соҳавии Созмони Милали Муттаҳид баён намуданд.
АКС: Вазорати саноат ва технологияҳои нави Ҷумҳурии Тоҷикистон
Дар ноҳияи Мастчоҳ корхонаи истеҳсоли равғани пахта бунёд мешавад
Дар Тоҷикистон беш аз 13 ҳазор ҳолати вайронкунии қонунгузории замин ошкор гардид
ИСТИФОДАИ САМАРАНОКИ ЗАМИН. Дар Хатлон дар 2495,7 гектар гармхонаи доимӣ ва мавсимӣ сабзавот кишт карда шуд
«MADE IN IRAN». Дар Душанбе Намоишгоҳи миллии Ҷумҳурии Исломии Эрон баргузор мегардад
Соли 2025 нақшаи андозҳо ва дигар пардохтҳои ҳатмӣ ба андозаи 115,7 фоиз иҷро гардид
То соли 2030 ҳаҷми маҷмӯи маҳсулоти дохилӣ ба 325 миллиард сомонӣ расонида мешавад
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
