Ҷаласаи дуюми Комиссияи доимӣ оид ба ҳамкорӣ байни Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон доир гардид
ДУШАНБЕ, 22.06.2024 /АМИТ «Ховар»/. 21 июн дар шаҳри Остонаи Ҷумҳурии Қазоқистон ҷаласаи дуюми Комиссияи доимӣ оид ба ҳамкорӣ байни Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон доир гардид, ки зимни он рушди минбаъдаи ҳамкории фарҳангию гуманитарӣ дар сатҳи парламентҳои ду мамлакат мавриди баррасӣ қарор дода шуд.
Тавре АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистон хабар медиҳад, дар кори ҷаласа аъзои Комиссияи доимӣ оид баҳамкорӣ байни Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон аз ҳарду ҷониб, кормандони дастгоҳҳои палатаҳои болоӣ, инчунин намояндагони вазорату идораҳои дахлдори ду мамлакат ба тариқи маҷозӣ иштирок доштанд.
Дар оғози ҷаласа ҳамраисони Комиссияи доимӣ муовини якуми Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода ва муовини Раиси Сенати Парламенти Ҷумҳурии Қазоқистон Жакип Асанов сухан намуданд.
Тибқи рӯзномаи ҷаласа, масъалаҳои дурнамои рушди ҳамкории байнипарламентии байни Ҷумҳурии Тоҷикистон ва Ҷумҳурии Қазоқистон, инчунин муборизаи муштарак бо тағирёбии иқлим ва истифодаи оқилонаи захираҳои об дар сатҳи парламентҳои ду мамлакат мавриди баррасӣ қарор дода шуданд.
Изҳори итминон карда шуд, ки ҷаласаи навбатии Комиссияи доимӣ оид ба ҳамкорӣ байни Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон ба рушди муносибатҳои ду мамлакат дар самтҳои гуногуни ҳамкорӣ тақвият мебахшад.
Вобаста ба масъалаҳои дар ҷаласаи дуюми Комиссия баррасишуда, қорорҳои дахлдор қабул карда шуданд.
АКС: Маҷлиси миллии Маҷлиси ОлииҶумҳурии Тоҷикистон
Дар Маҷлиси намояндагон муҳокимаи парламентӣ баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Намояндагони Тоҷикистон дар ҷаласаи кумитаҳои парлумонии СААД иштирок намуданд
Дар ҷаласаи навбатии Маҷлиси намояндагон ба Қонуни Ҷумҳурии Тоҷикистон «Дар бораи маориф» тағйиру иловаҳо ворид карда шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Вакилони Маҷлиси намояндагон барои иштирок дар барномаи табодули байнипарлумонӣ ба Амрико сафар намуданд
Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор гардид
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор шуд
Пагоҳ Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Дар иҷлосияи дуюми Маҷлиси намояндагони Маҷлиси Олӣ ду созишнома ба тасвиб расид
6 феврал Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
