Дар Хатлон 44 лоиҳаи сармоягузорӣ татбиқ мегардад

Июнь 19, 2024 14:26

ДУШАНБЕ, 19.06.2024 /АМИТ «Ховар»/. Дар вилояти Хатлон 44 лоиҳаи сармоягузории давлатӣ бо маблағҳои беруна амалӣ мегардад, ки дар доираи онҳо аз оғози татбиқ зиёда аз 974,6 миллион доллар маблағҳо барои хариди мол, иҷрои кор ва хизматрасонӣ дар соҳаҳои маориф, тандурустӣ, кишоварзӣ, обёрӣ, хоҷагии манзилию коммуналӣ, энергетика, нақлиёт, экология, ҳолатҳои фавқулода ва сайёҳӣ равона шудааст. Ин матлаб 18 июн дар вилояти Хатлон зимни баргузории ҷаласаи Шурои ҳамоҳангсозии шарикони рушд, ки таҳти раёсати Раиси вилоят Давлаталӣ Саид доир шуд, баён гардид. Дар ин хусус АМИТ «Ховар» бо истинод ба хадамоти матбуоти Раиси вилояти Хатлон иттилоъ медиҳад.

Гуфта шуд, ки ҳадаф аз баргузории ҳамоиш натиҷагирӣ аз рафти татбиқи лоиҳаҳо, муайян кардани афзалиятҳои минбаъдаи рушд ва ҷалби таваҷҷуҳи шарикони рушд ҷиҳати зиёд намудани маблағҳо барои татбиқи ҳадафу афзалиятҳои стратегии мамлакат мебошад.

Раиси вилояти Хатлон Давлаталӣ Саид иброз намуд, ки Мақомоти иҷроияи ҳокимияти давлатии вилояти Хатлон сарфи назар аз таҳаввулоти дар иқтисоди ҷаҳон идомадошта ва таъсири манфии омилҳои берунӣ, бахусус, паҳншавии бемориҳои сироятӣ, шиддат ёфтани бархӯрдҳои геосиёсӣ, таҳримҳо, низоъҳои тиҷоратӣ, инчунин пайомадҳои тағйирёбии иқлим, дар натиҷаи татбиқи самараноки ислоҳоти иқтисодӣ, амалӣ намудани стратегияву барномаҳои сатҳи маҳаллӣ, аз ҷумла татбиқи бомароми Барномаи рушди иқтисодию иҷтимоии вилояти Хатлон барои солҳои 2021-2025 тамоюли мусбати рушд ишондиҳандаҳои минтақавиро нигоҳ дошт.

Дар ҷараёни ҳамоиш гуфта шуд, ки саҳми шарикони рушд, аз ҷумла Бонки ҷаҳонӣ, Бонки Осиёии рушд, Бонки аврупоии таҷдид ва рушд, Бонки исломии рушд, Агентии рушди байналмилалии Иёлоти Муттаҳидаи Амрико (USAID), Агентии Ҷопон оид ба ҳамкории байналмилалӣ (JICA), Бонки олмонии рушд, Фонди саудии рушд, Барномаи рушди Созмони Милали Муттаҳид, Фонди байналмилалии рушди соҳаи кишоварзӣ ва дигар ташкилоти байналмилалӣ дар пешрафти иқтисодию иҷтимоии вилояти Хатлон ва татбиқи барномаҳои сатҳи маҳал хеле назаррас мебошад.

Раиси вилоят аз шарикони рушд даъват намуд, ки дар шароити хеле ҳассосу зудтағйирёбандаи иқтисоди глобалӣ барои татбиқи рушди устувор саҳми худро баҳри амалӣ гардонидани афзалиятҳои минбаъдаи рушди вилоят бештар намоянд.

Инчунин дар ҷаласа роҳбари Агентии Ҷопон оид ба ҳамкории байналмилалӣ дар Ҷумҳурии Тоҷикистон Имайи Сэйдзу, муовини роҳбари Намояндагии Агентии Иёлоти Муттаҳидаи Амрико оид ба рушди байналмилалӣ дар Ҷумҳурии Тоҷикистон (USAID) Ковин Дин, ҳамоҳангсози домии Созмони Миллали Мутаҳид дар Тоҷикистон Парвати Рамасвами, намояндаи доимии Бонки Осиёии рушд дар Тоҷикистон (ADB) Шенни Кэмпбелл ва дигарон баромад намуда, омодагии шарикони рушдро ҷиҳати дастгирии ҳадафу афзалиятҳо баён карданд.

АКС: Хадамоти матбуоти Раиси вилояти Хатлон

Июнь 19, 2024 14:26

Хабарҳои дигари ин бахш

НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд