Евгений Жуков: «Бо дастгирии Бонки Осиёии рушд Ҳукумати Тоҷикистон «Стратегияи рушди иқтисоди «сабз»-ро барои давраи то соли 2027 қабул намуд»
ДУШАНБЕ, 12.06.2024 /АМИТ «Ховар»/. «Бонки Осиёии рушд бо Ҷумҳурии Тоҷикистон ҳамкории самарабахш дошта, мақсад гузоштааст, ки онро дар масъалаи устувор будан ба тағйирёбии иқлим дастгирӣ намояд. Минбаъд Бонки Осиёии рушд ҳамаи лоиҳаҳояшро аз нуқтаи назари муносибат бо иқлим баррасӣ мекунад. Ҳамчунин мо барои бештар намудани сармоягузории бахши хусусии Тоҷикистон фаъолона амал мекунем», — изҳор намуд Директори генералии Бонки Осиёии рушд оид ба Осиёи Марказӣ ва Ғарбӣ Евгений Жуков.
Дар баробари дигар меҳмонон аз созмонҳои бонуфузи минтақавӣ ва ҷаҳонӣ Директори генералии Бонки Осиёии рушд оид ба Осиёи Марказӣ ва Ғарбӣ Евгений Жуков низ барои иштирок дар Конфронси сеюми байналмилалии сатҳи баланд бахшида ба Даҳмолаи байналмилалии амал «Об барои рушди устувор, солҳои 2018-2028» дар Душанбе қарор дорад.
Афзалият ва самтҳои минбаъдаи рушди Тоҷикистон, барномаҳои Бонки Осиёии рушд дар мамлакат, ҷараёни татбиқи лоиҳаҳои бонк дар Тоҷикистон — мавзуъҳое мебошанд, ки Директори генералии Бонки Осиёии рушд оид ба Осиёи Марказӣ ва Ғарбӣ Евгений Жуков ҳангоми мулоқот бо роҳбарони сохторҳои дахлдори Ҳукумати мамлакат баррасӣ мекунад.
Намояндаи Бонки Осиёии рушд дар Тоҷикистон зимни суҳбат бо АМИТ «Ховар» гуфт, ки Бонки Осиёии рушд мавзуъҳои устувор будани Тоҷикистон дар рӯ ба рӯ бо тағйироти иқлимӣ, сар садани ҳолатҳои ногаҳонӣ ва ғайричашмдошти боду ҳаво, ҳамчунин рушди бахши хусусии Тоҷикистонро баҳри таъмини инкишофи босифати мамлакат муҳим мешуморад.
«Тоҷикистон ба мушкилот ва хатарҳои тағйирёбии иқлим рӯбарӯ мешавад, ки ин дар навбати худ ба мамлакат хисороти ҳаҷман бузурги иқтисодӣ, иҷтимоӣ ва экологӣ мерасонад. Давоми 34 соли охир Тоҷикистон беш аз 20% пиряхҳои худро бебозгашт аз даст додааст. Ин барои иқтисоди Тоҷикистон хатари воқеан ҳам ҷиддӣ дорад, зеро пиряхҳо таъминкунандаи оби дарёҳо мебошанд. Дарёҳо сарчашмаи обёрии заминҳо ва истеҳсоли неруи барқ ҳастанд».
Хотиррасон мекунем, ки бо дастгирии Бонки Осиёии рушд Ҳукумати Ҷумҳурии Тоҷикистон Стратегияи рушди иқтисоди «сабз»-ро барои давраи то соли 2027 таҳия ва тасдиқ намуд. Дар ин стратегия 11 самти муҳими рушд муайян шудаанд, аз ҷумла самтҳои туризми экологӣ, сохтори идораи партовҳо, беҳтар намудани истифода ва самаранокии неруи барқ ва ғ.
Дар доираи Нақшаи сармоягузории иқлимӣ, ки рӯзҳои наздик Ҳукумати Тоҷикистон ва Бонки Осиёии рушд онро мавриди амал қарор медиҳанд, имконияти мамлакат барои дастрасӣ ба сармоягузории дохилӣ ва байналмилалӣ бештар ва беҳтар мегардад.
Акрам САНГЗОДА,
АМИТ «Ховар»
ПАРЧАМЕ, КИ БАЛАНД АСТ ВА САРИ МОРО ҲАМЕША БАЛАНД МЕДОРАД. Андешаҳои Шоири халқии Тоҷикистон Камол Насрулло дар ин хусус
Нахустин Парчами давлатии Ҷумҳурии Тоҷикистон дар Осорхонаи миллӣ ҳифз ва муаррифӣ мешавад
ПАРЧАМИ ДАВЛАТӢ ДАР КУҶО БОЯД НАСБ КАРДА ШАВАД? Вакили Маҷлиси намояндагон ба ин савол посух дод
КОНФРОНСҲОИ ИҚЛИМИИ СММ. Тоҷикистон дар татбиқи ҳадафҳои ин конфронсҳо пешсаф аст
ИСТИҚЛОЛИЯТ БА ТОҶИКИСТОН ЭМОМАЛӢ РАҲМОН – СИЁСАТМАДОРИ САТҲИ ҶАҲОНИРО ДОД. Эътироф ва тафсири мақоми шоистаи Пешвои миллат аз ҷониби шахсиятҳои ҷаҳон
16 — НОЯБР РӮЗИ ПРЕЗИДЕНТ. Нигоҳе ба таҳаввул ва ташаккули ниҳоди президентӣ дар Тоҷикистон
ТАШАББУСҲОИ ТОҶИКИСТОН — ҲАЛЛИ МУШКИЛОТИ ДАР ПЕШОРӮИ ҶОМЕАИ ҶАҲОНӢ ҚАРОРДОШТА. Эҳдо ба Рӯзи Президент
ИДОРАКУНИИ ПРЕЗИДЕНТӢ – шакли муассири идоракунии давлатӣ ва равнақбахши Тоҷикистони соҳибистиқлол
ПРЕЗИДЕНТИ ТАШАББУСКОР. Нақши Сарвари Тоҷикистон дар ҳифзи пиряхҳо ва захираҳои оби тоза дар ҷаҳон беназир ва муассир аст
ТАШАББУСИ ШОИСТАИ ПЕШВОИ МИЛЛАТ ОИД БА ТАҲКИМИ СУЛҲ БА ХОТИРИ НАСЛҲОИ ОЯНДА. Дар ҳошияи пешниҳоди Президенти Тоҷикистон вобаста ба қабули қатъномаи махсуси СММ оид ба «Даҳсолаи таҳкими сулҳ ба хотири наслҳои оянда»
ГЕОСТРАТЕГИЯ ВА ГЕОПОЛИТИКАИ ПРЕЗИДЕНТИ ТОҶИКИСТОН ДАР ДАВРОНИ СОҲИБИСТИҚЛОЛӢ. Ба Рӯзи Президент бахшида мешавад
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланд оид ба амалишавии қатъномаи Маҷмаи Умумии СММ дар бораи эълон шудани cоли 2025 ҳамчун «Соли байналмилалии ҳифзи пиряхҳо» иштирок намуданд
