ФОРУМИ КӮДАКОН ВА ҶАВОНОН ОИД БА ОБ ВА ИҚЛИМ. Октавиан Бивол: «Обшавии босуръати пиряхҳои Осиёи Марказӣ ба ҳаёти 25 миллион кӯдак хатар дорад»
ДУШАНБЕ, 11.06.2024 /АМИТ «Ховар»/. «Тоҷикистон чанде пеш дар сатҳи ҷавонон Қатънома оид ба иқлимро ба имзо расонид, ки ин раванд ба баланд бардоштани некӯаҳволии кӯдакон ва ҷавонон дар сатҳи миллӣ равона шудааст», — гуфт муовини директори минтақавии ЮНИСЕФ Октавиан Бивол зимни Форуми кӯдакон ва ҷавонон оид ба об ва иқлим, ки 10 июн дар пойтахти Тоҷикистон-шаҳри Душанбе баргузор шуд. Форуми мазкур дар ҳошияи Конфронси байналмилалии оби Душанбе ба муносибати Даҳсолаи байналмилалии амал «Об барои рушди устувор, солҳои 2018-2028» доир гардид.
То давраи соли 2030 нисфи аҳолии сайёраи Замин бинобар равандҳои ба об вобаста ба ҳолати изтироб ва хатарнок гирифтор мешаванд. Масъалаҳои бехатарии об, беҳдошт, тағйироти иқлим таъсири худро бештар аз ҳама ба кӯдакон мерасонанд. Ба пиряхҳои Осиёи Марказӣ таваҷҷуҳи хосса мебояд зоҳир кард, зеро обшавии босуръати онҳо равиши дарёҳоро иваз карда, боиси сар задани офатҳои табиӣ мешавад. Ин дар навбати худ барои 25 миллион кӯдаконе, ки дар Осиёи Марказӣ зиндагӣ мекунанд, хатар меорад.
Октавиан Бивол изҳор кард, ки Тоҷикистон минбаре аст, ки аз он ба гӯши аҳли сайёра оид ба мушкилоти обу иқлим ва мутобиқшавӣ ба тағйирот садои сокинони Тоҷикистон расонида мешавад. Масъалаи рушду инкишофи кӯдакон ва ҷавонон дар Тоҷикистон давра ба давра амалӣ карда мешавад. Ҳамоишҳои байналмилалӣ, ки имрӯзҳо дар Душанбе гузаронида мешаванд, воқеан ҳам муҳим ва хеле илҳомбахш мебошанд.
Ҳайати ҷавонон аз кишварҳои гуногун, меҳмонон аз Шоҳигарии Нидерланд, Иттиҳоди Аврупо, Департаменти федералии корҳои хориҷии Швейтсария, намояндагони созмонҳои бонуфузи ҷаҳонӣ USAID, UNIFY, ки барои иштирок дар кори Конфронси байналмилалии Душанбе ба Тоҷикистон омадаанд, дар ҳамоишҳои мавзуӣ оид ба масъалаҳои об ва иқлим, иштироки ҷавонон дар ҳалли ин мушкилот, имконият ва роҳҳои беҳтар намудани ҳамкорӣ маърузаҳо пешниҳод мекунанд, дар заминаи таҳлилҳои илмӣ хулосабарориҳо намуда, роҳҳои расидан ба Ҳадафҳои Рушди Устуворро пешниҳод месозанд.
АКС: АМИТ «Ховар»
Дар Тоҷикистон Ҳафтаи аврупоии иммунизатсия оғоз ёфт
Ҷаласаи вазирони тандурустии давлатҳои аъзои Созмони ҳамкории Шанхай доир гардид
Дар конфронси Бишкек аз ташаббусҳои Президенти Тоҷикистон вобаста ба масоили обу иқлим ва пиряхҳо ёдоварӣ намуданд
5 ҳазор истироҳатгоҳи Тоҷикистон барои фароғати тобистонаи кӯдакон ва наврасон омода карда мешаванд
ОБ-АСОСИ МАВҶУДИЯТИ ИНСОН. Дар партави ташаббусҳои наҷотбахши Президенти Тоҷикистон
ИСТИФОДАИ САМАРАНОКИ ЗАМИН. Нурулло Саидбеков аз замини наздиҳавлигияш ду ҳосил мегирад
«ОИЛАИ БЕҲТАРИН». Ин озмун дар ноҳияи Ҷалолиддини Балхӣ баргузор гардид
Табибони тоҷик тариқи стентгузорӣ бемориҳои гуногунро табобат менамоянд
Созмони Милали Муттаҳид (ЭСКАТО) қатъномаи Тоҷикистонро дар бораи ҳамкорӣ дар соҳаи об ва иқлим қабул кард
Ғолибони даври ҷумҳуриявии озмуни «Сайри гули лола» муайян карда шуданд
Президенти Пажуҳишгоҳи оби Туркия ба Конфронси байналмилалии сатҳи баланд оид ба ҳифзи пиряхҳо даъват шуд
Кумакҳои навбатии Пешвои миллат муҳтарам Эмомалӣ Раҳмон ба зарардидагони офати табиии дар ноҳияҳои Рашт ва Тоҷикобод фиристода шуд
