Котиби давлатии Ватикан Кардинал Петро Паролин: «Мо аз Президенти Тоҷикистон баҳри даъвати иштирок дар конфронси об миннатдорем»
ДУШАНБЕ, 11.06.2024 /АМИТ «Ховар»/. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Котиби давлатии Ватикан Кардинал Петро Паролинро, ки барои иштирок дар Конфронси сеюми байналмилалӣ оид ба Даҳсолаи байналмилалии амал «Об барои рушди устувор, солҳои 2018-2028» ба Тоҷикистон омадааст, ба ҳузур пазируфтанд, хабар медиҳад АМИТ «Ховар».
Аз рӯи натиҷаҳои мулоқот бо Президенти Тоҷикистон муҳтарам Эмомалӣ Раҳмон барои намояндагони воситаҳои ахбори оммаи маҳаллӣ ва хориҷӣ брифинг баргузор гардид.
Петро Паролин ба Президенти Ҷумҳурии Тоҷикистон муҳтарам Эмомалӣ Раҳмон барои даъват бобати иштирок дар конфронси об изҳори миннатдорӣ намуд.
«Ин сафари мо як навъ идомаи мантиқии сафари Президенти Тоҷикистон дар моҳи апрели имсол ба Ватикан мебошад, ки дар ҷараёни он мо тавонистем масъалаҳои мавриди таваҷҷуҳи тарафайнро баррасӣ намоем. Дар ин вохӯрӣ барои таҳким ва таъмиқи ҳамкорӣ байни Ватикан ва Тоҷикистон изҳори умед карда шуд», — изҳор намуд Петро Паролин.
Таъкид гардид, ки Тоҷикистон ва Ватикан метавонанд гуфтушунидро барои беҳсозии мушкилоти глобалӣ, алалхусус мушкилоти экологӣ, ҳамчунин дигар хатарҳои ҷаҳони муосирро низ беҳтар намоянд.
«Дар вохӯрӣ ҳамзамон масъалаҳои ҳамкории дуҷониба, хусусан баимзорасонии Ёддошти ҳусни тафоҳум байни Академияи миллии илмҳои Тоҷикистон ва Бойгонии китобхонаи Ватикан баҳри амалисозии таҳқиқоти дуҷониба баррасӣ гардид»,-баён намуд дар охир Котиби давлатии Ватикан Кардинал Петро Паролин.
АКС: АМИТ «Ховар»
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
Президенти Ҷумҳурии Тоҷикистон Эмомалӣ Раҳмон дар Ҳамоиши Роҳбарон оид ба гуногунии биологӣ иштирок намуданд
ҲИФЗИ ПИРЯХҲО. Коҳиши пиряхҳои ҳавзаи Зарафшон метавонад ба амнияти экологии Осиёи Марказӣ таъсир расонад
АЗ ДИПЛОМАТИЯИ ОБ ТО ДИПЛОМАТИЯИ ПИРЯХҲО. Андешаҳо оид ба ташаббусҳои Президенти Тоҷикистон дар даврони истиқлолият
Сафири Тоҷикистон дар Австрия дар Симпозиуми байналмилалии об иштирок намуд
Сироҷиддин Муҳриддин бо иҷрокунандаи вазифаи муовини Дабири кулли ЮНЕСКО оид ба илмҳои табиӣ мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
«РАВАНДИ ОБИ ДУШАНБЕ». Барои Тоҷикистон ин дастоварди дипломатӣ ва масъулияти бузург аст
Оид ба омӯзиши яхбандии абадӣ экспедитсияи байналмилалии илмӣ-таҳқиқотӣ анҷом дода шуд
