Намояндаи Тоҷикистон дар ҷаласаи 19-уми Форуми Созмони ҳамкории Шанхай оид ба имконияти рушди саноати «сабз» сухан гуфт
ДУШАНБЕ, 06.06.2024 /АМИТ «Ховар»/. 5-6 июни соли 2024 дар шаҳри Тошканди Ҷумҳурии Узбекистон таҳти раёсати Институти тадқиқоти стратегӣ ва байниминтақавӣ дар назди Президенти Ҷумҳурии Узбекистон ҷаласаи 19-уми Форуми Созмони ҳамкории Шанхай таҳти унвони «Нақши Созмони Ҳамкории Шанхай дар шароити муосир: муттаҳид намудани сайъу талошҳо баҳри амнияти умумӣ, субот ва шукуфоӣ» баргузор шуд, хабар медиҳад АМИТ «Ховар» бо истинод ба хадамоти матбуоти Маркази тадқиқоти стратегии ҷумҳурӣ.
Дар форум роҳбарони марказҳои таҳлилии давлатҳои аъзо, нозир ва узви муколамаи Созмони ҳамкории Шанхай, инчунин доираи васеи коршиносон иштирок намуда, вазъи дурнамои тавсеаи минбаъдаи ҳамкориро дар доираи Созмони ҳамкории Шанхай, баланд бардоштани самаранокии фаъолияти Созмон ва такмили фаъолияти Форуми Созмони ҳамкории Шанхай мавриди баррасӣ қарор доданд.
Аз ҷониби Тоҷикистон дар ин ҳамоиш директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода иштирок намуд.
Дар бахши аввали форум, ки ба мавзуи «Самтҳои афзалиятноки ҳамкорӣ дар доираи Созмони ҳамкории Шанхай: татбиқи ҳамаҷонибаи имконияти истифоданашуда» бахшида шуда буд, директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода изҳор намуд, ки Форуми Созмони ҳамкории Шанхай аз замони таъсис дар соли 2006 давоми чанд соли охир тадриҷан ба платформаи муҳимми зеҳнӣ ва таҳлилӣ табдил ёфт. Ин имкон медиҳад, ки табодули афкор ва талошҳо баҳри таҳияи равишҳои муносиб барои дарк ва тафсири самтҳои имрӯзаи равандҳои ҷаҳониву минтақавӣ фароҳам гардад.
Иброз гардид, ки имрӯз Созмони ҳамкории Шанхай яке аз ниҳодҳои муайянкунандаи самтҳои асосии муносибатҳои байналмилалӣ буда, минтақаи васеъро аз Авруосиё то Ховари Миёна фаро гирифтааст.
Таъкид гардид, ки яке аз принсипҳои асосии ҳамкории ҷомеаи давлатҳои аъзои Созмони ҳамкории Шанхай ҳавасмандгардонии рушди иқтисодии якдигар мебошад, ки ба манфиати ҳамагон аст. Аз ин рӯ давлатҳои Созмони ҳамкории Шанхай метавонанд бо Тоҷикистон якҷоя кор карда, аз имконияти рушди саноати “сабз” истифода баранд.
Хайридин Усмонзода иброз намуд, ки Маркази тадқиқоти стратегии назди Президенти Ҷумҳурии Тоҷикистон дар ин самт барои ҳамкории амалӣ бо тамоми марказҳои таҳлилии давлатҳои Созмони ҳамкории Шанхай омода аст.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Сафири Тоҷикистон дар мулоқоти Сергей Лавров бо раисони кумитаҳои парламентҳои давлатҳои аъзои СААД иштирок намуд
Президенти Ҷумҳурии Қирғизистон Садир Жапаров бо Сарвазири Ҷумҳурии Тоҷикистон Қоҳир Расулзода мулоқот намуд
Ширкати австриягии «Andritz Hydro GmbH» барои густариши ҳамкорӣ бо Тоҷикистон изҳори омодагӣ кард
Дар Душанбе дурнамои рушди муносибатҳо байни Тоҷикистону Қазоқистон баррасӣ гардид
Сафири Тоҷикистон бо Вазири корҳои дохилии Ҷумҳурии Австрия мулоқот намуд
Дар Берлин имконоти ҳамкории иқтисодии Олмон бо кишварҳои Осиёи Марказӣ баррасӣ шуд
Дар Берлин нахустин нишасти вазирони корҳои хориҷии кишварҳои Осиёи Марказӣ ва Олмон дар қолаби «С5+1» доир гардид
Олимон ва муҳаққиқони тоҷик дар Намоишгоҳи байналмилалии ихтироъкорӣ дар Кувайт соҳиби 10 медал шуданд
Сироҷиддин Муҳриддин ва Йоҳанн Вадефул ҳамкории дуҷониба байни Тоҷикистону Олмонро баррасӣ намуданд
Дар Берлин ҳамкорӣ байни Тоҷикистон ва Иттиҳоди Аврупо баррасӣ гардид
Дар Муассисаи давлатии таҳсилот ва омӯзиши амалии Давлати Кувайт гӯшаи фарҳангии Тоҷикистон ташкил карда шуд
Сафири Тоҷикистон бо Раиси Сенати Олий Мажлиси Узбекистон мулоқот намуд
