Президенти Гурӯҳи Бонки исломии рушд Муҳаммад Сулаймон Ал-Ҷассер бо НБО-и «Норак» шинос шуд
ДУШАНБЕ, 15.06.2024 /АМИТ «Ховар»/. 12 июн Президенти Гурӯҳи Бонки исломии рушд доктор Муҳаммад Сулаймон Ал-Ҷассер бо фаъолияти Неругоҳи барқи обии «Норак» шинос шуд.
Тавре ба АМИТ «Ховар» дар Вазорати рушди иқтисод ва савдои Ҷумҳурии Тоҷикистон хабар доданд, зимни шиносоӣ Президенти Бонки исломии рушд иброз намуд, ки боиси ифтихори сокинони Тоҷикистон аст, ки сарбанди аз сангу шағал бунёдгардидаи Неругоҳи барқи обии «Норак» бо баландии 300 метр то имрӯз дар дунё ҷойи аввалро ишғол намуда, зиёда аз 50 сол самаранок фаъолият намуда истодааст. Баъди боздид ӯ дар китоби хотироти меҳмонон дастхати хотиравӣ гузошт.
Ҳамчунин 12 июн Президенти Гурӯҳи Бонки исломии рушд доктор Муҳаммад Сулаймон Ал-Ҷассер ба ноҳияи Данғара сафар намуд.
Муҳаммад Сулаймон Ал-Ҷассер нахуст бо Қасри фарҳанг ва Осорхонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шинос шуда, иброз намуд, ки аксу хотираҳои айёми ҷавонӣ дар осорхона воқеан аз созандакору ободкор будани Пешвои миллат то имрӯз дарак медиҳад.
Президенти Гурӯҳи Бонки исломии рушд бо бинои нави Маркази саломатии ноҳия ва ҳолати амалишавии лоиҳаи обёрии заминҳои водии Данғара шинос шуда, афзуд, ки Бонки исломии рушд барои татбиқи сиёсати иҷтимоии Ҳукумати ҷумҳурӣ ва таъмини амнияти озуқавории Тоҷикистон саҳмгузорӣ намудааст.
Дар идома доктор Муҳаммад Сулаймон Ал-Ҷассер бо намоиши ҳунарҳои мардумӣ, маҳсулоти кишоварзӣ ва гӯсфандҳои хушзоти тоҷикӣ шинос шуд.
Президенти Бонки исломии рушд баъди сафар ба ноҳияи Данғара таассуроти неки худро аз меҳмоннавозии сокинон баён намуда, иброз дошт, ки ноҳия дорои беҳтарин имкониятҳо барои рушди ҳама самтҳо мебошад.
Инчунин 12 июн доктор Муҳаммад Сулаймон Ал-Ҷассер ба боғи гелос дар хоҷагии деҳқонии «Мавлонобобои Шоҳонӣ», ки дар шаҳри Ҳисор ҷойгир аст, рафт.
Боғи хоҷагии деҳқонии «Мавлонобобои Шоҳонӣ» дар масоҳати умумии 8 гектар ҷойгир буда, асосан дар он навъҳои гуногуни меваҳои гелос, олу, зардолу ва себ парвариш карда мешаванд.
Доктор Муҳаммад Сулаймон Ал-Ҷассер гуфт, ки лаззати шаҳдбори навъҳои гуногуни меваҳои гелоси аз ҷиҳати экологӣ тоза, ки дар шароити мусоиди иқлими Тоҷикистон мерӯяд, назираш дар дунё дида намешавад.
Ёдовар мешавем, ки 11 июн Президенти Ҷумҳурии Тоҷикистон муҳтарам Эмомалӣ Раҳмон бо Президенти Гурӯҳи Бонки исломии рушд доктор Муҳаммад Сулаймон Ал-Ҷассер мулоқот намуданд.
АКС: Вазорати рушди иқтисод ва савдои Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
ТАШАББУСҲОИ ТОҶИКИСТОН ДАР СОҲАИ ОБУ ИҚЛИМ. Аз соли 1940 то соли 2017 — дар ҳар даҳсола аз +0,1 то +0,2 дараҷа ҳарорати ҳаво баланд шудааст
