РАВАНДИ ОБИ ДУШАНБЕ. Дар Форуми байналмилалии зан ва об таҷрибаҳо ва роҳҳои ҳалли инноватсионӣ муаррифӣ мегарданд

Июнь 10, 2024 11:10

ДУШАНБЕ, 10.06.2024. /АМИТ «Ховар»/. Имрӯз дар Душанбе Форуми байналмилалии зан ва об, ки ҳадаф аз он дастгирии татбиқи ҳадафҳо ва вазифаҳои Даҳсолаи амал оид ба об мебошад, ба кор оғоз намуд, хабар медиҳад мухбири АМИТ «Ховар».

Форум дар доираи  конфронси сеюми байналмилалии сатҳи баланд оид ба «Даҳсолаи байналмилалии об барои рушди устувор, солҳои 2018-2028» доир мегардад.

Дар форум намояндагони Муколамаи занони Осиёи Марказӣ, коршиносони соҳаи захираҳои об ва масъалаҳои баробарии гендерӣ, намояндагони Кумитаи кор бо занон ва оилаи назди Ҳукумати Ҷумҳурии Тоҷикистон иштирок доранд. Дар умум ҳамоиш намояндагони 27 кишвари ҷаҳонро ба ҳам ҷамъ овард.

Гуфта шуд, ки форум платформа барои занони фаъол ва коршиносони соҳаи об, коршиносони ҳуқуқи гендерӣ ва об, ҷомеаи коршиносон, ҳукуматҳо ва созмонҳои байналмилалии рушд барои арзёбии пешрафт дар иҷрои уҳдадориҳо ва тавсияҳои дар Конфронси об барои соли 2022 ва Форуми оби занон дар соли 2022 хоҳад буд.

Давоми рӯз таҷрибаҳо ва роҳҳои ҳалли инноватсионӣ таҳти роҳбарии занон муаррифӣ ва муҳокима мешаванд, то ин ки татбиқи ҳадафҳои марбут ба оби дар сатҳи байналмилалӣ мувофиқашуда дар сатҳи минтақавӣ ва миллӣ муаррифӣ гарданд.

АКС: АМИТ «Ховар»

Июнь 10, 2024 11:10

Хабарҳои дигари ин бахш

Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
Дар Кооперативи тиҷоратии ба номи Латиф Муродови шаҳри Ҳисор дар майдони 210 гектар кишти такрорӣ мегузаронанд
Дар Суғд биноҳои иловагии Маркази клиникавии эндокринологӣ ва Маркази саратоншиносӣ сохта мешавад
Дар оянда мусофирон дар фурудгоҳҳои Тоҷикистон сарҳадро тавассути «дарвозаи электронӣ» убур менамоянд
ҚОНУНИ ҶУМҲУРИИ ТОҶИКИСТОН «ДАР БОРАИ МАСЪУЛИЯТ БАРОИ ТАЪЛИМУ ТАРБИЯИ КӮДАК». Мулоҳизаҳои доктор ва номзади илмҳои ҳуқуқшиносӣ дар хусуси навгониҳо ва афзалиятҳои ҳуқуқии ин қонун
Беш аз 13 ҳазор гектар заминҳои корам дар ноҳияҳои Восеъ ва Фархор ба воситаи пойгоҳҳои обкашӣ обёрӣ мешаванд
Дар маҳаллаи «Фалакон»-и ноҳияи Шоҳмансури пойтахт доир ба маърифати хонадорӣ барои духтарони ҷавон чорабинӣ баргузор шуд
Вазири энергетика ва захираҳои оби Тоҷикистон: «Конфронси таърихии Созмони Милали Муттаҳид оид ба об ҷаҳонро атрофи масъалаи об муттаҳид намуд»
Ҷамолиддин Абдуллозода бо фаъолияти муассисаҳои тандурустии вилояти Хатлон шинос гардид
Масъалаи тавсеаи ҳамкории Тоҷикистон бо Аморати Муттаҳидаи Араб дар соҳаи обу энергетика дар Ню-Йорк баррасӣ гардид