РАВАНДИ ОБИ ДУШАНБЕ. Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» анҷом ёфт
ДУШАНБЕ, 06.12.2024 /АМИТ «Ховар»/. Имрӯз дар шаҳри Душанбе Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028», ки дар доираи Раванди оби Душанбе баргузор гардид, анҷом ёфт, хабар медиҳад АМИТ «Ховар».
Дар маросими пӯшидашавӣ Сарвазир Ҷумҳурии Тоҷикистон Қоҳир Расулзода ҳамаи иштирокчиёнро бо баргузории муваффақонаи конфронс табрик гуфта, ба онҳо барои иштироки фаъолона изҳори сипос намуд.
Сохтори барномаи конфронс, ба таъкади Сарвазири мамлакат, аз конфронси қаблӣ бо он фарқ мекунад, ки имсол таваҷҷуҳи хос асосан ба пешбурди натиҷаҳои Конфронси оби СММ-2023 равона карда шуд. Дар робита ба ин, барномаи конфронс 5 муколамаи интерактивиро дар бар гирифт, ки мавзӯъҳои онҳо ба мавзӯъҳои муколамаҳои интерактивии Конфронси обии СММ-2023 буданд.
Бояд гуфт, ки илова ба муколамаҳои интерактивӣ ва ҷаласаҳои пленарӣ, 9 форуми сатҳи баланд ва 15 чорабинии канорӣ доир гардида, Фестивали бошукуҳи мавзӯӣ оид ба об ва пиряхҳо баргузор шуд.
«Мехоҳам махсус таъкид намоям, ки мо имсол аввалин маротиба Форуми бахши хусусӣ ташкил намудем ва бори нахуст дар таърихи Раванди оби Душанбе Форуми вакилони парлумон ва Форуми обро бо таваҷҷуҳ ба Африқо баргузор кардем», — тазаккур дод Сарвазири Тоҷикистон.
Қоҳир Расулзода изҳор намуд, ки майдони оби Душанбе имкон дод, ки муносибатҳои маҷмӯии ҳамгироӣ ва шарикӣ дар соҳаи захираҳои об пеш бурда шаванд. Иштирокчиён шоҳиди изҳороти муҳими миллӣ ва сиёсӣ гардида, ғояву тавсияҳои навро, ки аҳамияти баррасии масъалаҳои обро дар ҳама сатҳҳо бори дигар тасдиқ мекунанд, шуниданд.
Хотиррасон менамоем, ки пагоҳ, 13 июн барои иштирокчиёни конфронс ба гӯшаҳои хушманзараи Тоҷикистон саёҳат ташкил карда мешавад.
Исломиддин Раҳмон: «Тоҷикистон ҳамчун аъзои фаъоли ҷомеаи ҷаҳонӣ барои ҳалли масъалаҳои глобалӣ саҳми арзишманд мегузорад»
Профессори Донишгоҳи байналмилалиии сайёҳӣ ва соҳибкории Тоҷикистон: «Сарвари давлати моро дар арсаи байналмилалӣ чун «Меъмори дипломатияи об» мешиносанд»
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ. Расонаҳои байналмилалӣ онро ба таври васеъ инъикос менамоянд
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
