Таҳкими ҳамкории Тоҷикистон ва Амрико дар низоми бонкӣ дар Душанбе баррасӣ гардид
ДУШАНБЕ, 27.06.2024 /АМИТ «Ховар»/. Таҳкими ҳамкорӣ дар низоми бонкӣ байни Тоҷикистон ва Амрико дар шаҳри Душанбе зимни мулоқоти раиси Бонки миллии Тоҷикистон Фирдавс Толибзода бо ҳайати Шурои тиҷоратии Иёлоти Муттаҳидаи Амрико, таҳти роҳбарии Директори иҷроияи Шурои тиҷоратии Амрико хонум Елена В.Сон ки бо сафари корӣ дар Ҷумҳурии Тоҷикистон қарор дорад, баррасӣ шуд, хабар медиҳад АМИТ «Ховар» бо истинод ба Бонки миллии Тоҷикистон.
Ҷонибҳо натиҷаҳои ҳамкориро давоми 30 соли охир баррасӣ намуда, доир ба дурнамои он табодули назар намуданд.
Раиси Бонки миллии Тоҷикистон оид ба дастгирии лоиҳаҳо ва кумакҳои техникии Амрико дар самти ҷорӣ намудани низоми нави автоматикунонидашудаи бонкии ҷавобгӯ ба талаботи муосири ҷаҳонӣ дар бахши назорати суғуртавӣ, ҳамкорӣ бо Корпуси волонтёрон оид ба рушди хизматрасониҳои молиявӣ, такмили низоми МҚД/МТ/МПСҚО, таҳкими суботи молиявӣ, зиёд кардани дастрасӣ ба хизматрасониҳои молиявӣ, татбиқи муқаррароти СБҲМ, арзёбии сифати аудити дохилӣ ва идоракунии хавфҳо сухан намуд.
Гуфта шуд, ки иштироки сармояи хориҷӣ, аз ҷумла сармояи Амрико дар сармояи оинномавии ташкилотҳои қарзии молиявии Тоҷикистон ва кушодани намояндагии бонкҳои Амрико дар Тоҷикистон метавонад ба густариши робитаҳои иқтисодии ду давлат мусоидат намояд.
Директори иҷроияи Шурои тиҷоратии Амрико хонум Елена В.Сон омодагии ҳайатро ҷиҳати идомаи рушди муносибатҳои дуҷонибаи тиҷоратӣ ва сармоягузорӣ байни Амрико ва Тоҷикистон иброз намуд.
АКС: Бонки миллии Тоҷикистон
Ҳайати Туркманистон барои иштирок дар ҷаласаи Комиссияи муштараки байниҳукуматии Тоҷикистон ва Туркманистон ба Душанбе омад
ҚУРБИ АСЪОР: 1 доллари ИМА аз 9.5276 то 9.5600 сомонӣ муқаррар шудааст
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
«Амонатбонк» ба кишоварзон иқдоми қарзии «Дастгирии деҳқон» пешниҳод намудааст
