Таҳкими дурнамои ҳамкорӣ байни Маркази тадқиқоти стратегӣ ва Машварати ҳамкорӣ ва тадбирҳои боварӣ дар Осиё баррасӣ шуд
ДУШАНБЕ, 14.06.2024 /АМИТ «Ховар»/. 11 июни соли 2024 мулоқоти директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода бо сафири дабири кулли Машварати ҳамкорӣ ва тадбирҳои боварӣ дар Осиё (МҲТБО) Кайрат Сарибай баргузор гардид, ки зимни он ҷонибҳо таҳкими дурнамои ҳамкориро баррасӣ намуданд. Дар ин хусус АМИТ «Ховар» бо истинод ба хадамоти матбуоти Маркази тадқиқоти стратегӣ хабар медиҳад.
Директори Марказ оид ба тавсеаи ҳамкорӣ байни кишварҳои қитъаи Осиё, бахусус Осиёи Марказӣ дар шароити гуногунии фарҳангӣ ва тамаддунӣ иброз намуд, ки дар шароити имрӯзаи ҷаҳон ҳамкории марказҳои зеҳнӣ барои тақвияти робитаҳои мутақобилан судманд басе муфид ва саривақтӣ мебошад. Хусусан, бо суръати назаррас рушд намудани ҳамкории тиҷоратӣ-иқтисодӣ ва масъалаҳои амнияти минтақавӣ ва таҳкими ҳамкории байниминтақавӣ хеле зарур ва муҳим мебошанд.
Зимни мулоқот масоили обшавии пиряхҳо, тағйирёбии иқлим, оқибатҳои таъсири манфии он, ҳифзи муҳити зист ва боло бурдани иқтидори тавлиди неруи «сабз» мавриди муҳокима қарор гирифт.
Таъкид гардид, ки сол то сол робитаҳои гуногунсоҳаи мамлакати мо бо давлатҳои дигар, созмонҳои бонуфузи байналмилалии сиёсӣ ва ташкилоти молиявию сармоягузорӣ торафт густариш меёбанд ва самарабахш мегарданд. Ин далели он аст, ки густариши сиёсати «дарҳои боз», муносибатҳои дӯстӣ, ҳамкорӣ ва ҳамгироӣ бо тамоми кишварҳои олам ҳамчун афзалияти устувору бетағйири сиёсати хориҷии Тоҷикистон боқӣ мемонад. Ҷумҳурии Тоҷикистон бо кишварҳои Осиёи Марказӣ ва кишварҳои дигар ҳарчи бештар дар масири ҳамкории мутақобилан судманд гомҳои устувор ниҳода, аз имконияти ба даст омада самаранок истифода менамояд.
Ҳамзамон дар мулоқот оид ба масъалаҳои иқтисодӣ ва иҷтимоӣ, бахусус имконоти Ҷумҳурии Тоҷикистон дар соҳаҳои энергетика, нақлиёт ва логистика, инчунин таҳкими ҳамкории бисёрҷониба дар самти илм, технология ва инноватсия ва расидан ба ҳадафҳои рушди устувор ибрози андеша карда шуд.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
ТОҶИКИСТОН — ДАВЛАТИ ТАШАББУСКОР. Иқдомҳои Президенти Тоҷикистон ба пешгирии тағйирёбии иқлим ва обшавии босуръати пиряхҳои минтақаю ҷаҳон нигаронида шудаанд
РАВАНДИ ОБИ ДУШАНБЕ. Намоишгоҳи байналмилалии «Устувории об барои ҳалли масъалаҳои иқлимӣ» ташкил карда мешавад
РАВАНДИ ОБИ ДУШАНБЕ. Дар доираи Конфронси чоруми байналмилалии сатҳи баланд Фестивали об гузаронида мешавад
РАВАНДИ ОБИ ДУШАНБЕ. Дар Конфронси чоруми байналмилалии сатҳи баланд ҳузури беш аз 2500 иштирокчӣ аз 100 давлати ҷаҳон пешбинӣ шудааст
РАВАНДИ ОБИ ДУШАНБЕ. Дар Боку нишасти матбуотӣ оид ба Конфронси 4-уми байналмилалии сатҳи баланд доир шуд
РАВАНДИ ОБИ ДУШАНБЕ. Дар Давлати Кувайт нишасти матбуотӣ оид ба Конфронси чоруми байналмилалии сатҳи баланд доир шуд
Меҳмонони Конфронси 35-уми минтақавии Созмони озуқаворӣ ва кишоварзии СММ бо имконоти сайёҳии Тоҷикистон шинос мегарданд
