ТАЪТИЛИ ТОБИСТОНА. Дар «Офтобак»-и шаҳри Норак 300 хонанда ба истироҳати бофароғат фаро гирифта мешавад
НОРАК, 24.06.2023. /АМИТ «Ховар»/. Бо дастгирии Шурои иттифоқҳои касабаи вилояти Хатлон дар шаҳри Норак истироҳатгоҳи беруназшаҳрии «Офтобак» ба фаъолият оғоз намуд, ки дар басти якуми он 100 нафар кӯдаку наврас аз шаҳру ноҳияҳои вилояти Хатлон ба истироҳат фаро гирифта шудаанд. Дар ин хусус ба мухбири минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Норак хабар доданд.
Тибқи иттилои раиси Иттифоқи касабаи кормандони маорифи шаҳри Норак Аслия Сафарзода, истироҳатгоҳи «Офтобак» соли равон дар се баст фаъолият намуда, мувофиқи нақшаи пешбинишуда, дар он бояд 300 нафар кӯдаку наврас ба фароғат фаро гирифта шаванд. Дар басти аввал 100 нафар кӯдаку наврас ҷалб гардиданд, ки бо чор вақт хӯроки гарм таъмин буда, ба онҳо беҳтарин мураббияҳо машғулиятҳои тарбиявию фарҳангӣ ва мусобиқаҳои варзишӣ мегузаронанд.
Мутахассисони шуъбаи маорифи шаҳри Норак иброз доштанд, ки то имрӯз дар истироҳатгоҳҳои наздимактабии шаҳри Норак 2260 нафар наврас ба истироҳат фаро гирифта шуданд ва мувофиқи нақша, бояд дар назди муассисаҳои томактабӣ 2220 нафар, дар назди марказҳои зертобеи шуъбаи маориф 1490 нафар, дар назди мактабҳои варзишӣ 970 нафар ва дар истироҳатгоҳҳои берун аз шаҳрӣ 535 нафар ба истироҳати тобистона ҷалб гарданд.
Ба истироҳатгоҳи «Офтобак» дар навбати аввал кӯдакону наврасони ятиму бепарастор, аз оилаҳои камбизоат, хонандагони қобилиятнок ва фарзандони кормандони соҳаҳои гуногун дар ҳамкорӣ бо масъулини иттифоқҳои касабаи вилояти Хатлон ба истироҳат ҷалб мегарданд.
Барои хубу хотирмон гузаштани таътили тобистона мураббиёни истироҳатгоҳи «Офтобак» ғайр аз машғулиятҳои варзишӣ, аз қабили оббозӣ, шашкаю шоҳмот, футбол, волейбол ва тенниси рӯйи мизӣ, инчунин чорабиниҳои гуногуни «Шоми байтбарак», озмунҳои «Ҳозирҷавобон» ва хондани сурудҳо дар васфи Ватан-Модар доир намуда, хотири истироҳаткунандагонро болида месозанд.
Мураббиён ва мутассадиёни истироҳатгоҳи «Офтобак» мақсад гузоштаанд, ки кӯдакону наврасон дар таътили тобистона бо як ҷаҳон таассуроти неку фаромӯшношуданӣ ба хона, назди волидонашон баргарданд.
АКС: АМИТ «Ховар»
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
