Вазири адлияи Тоҷикистон дар машварати ёздаҳуми вазирони адлияи давлатҳои аъзои Созмони ҳамкории Шанхай суханронӣ намуд

Июнь 7, 2024 16:25

ДУШАНБЕ, 07.06.2024 /АМИТ «Ховар»/. 6 июн Вазири адлияи Ҷумҳурии Тоҷикистон Музаффар Ашуриён дар Машварати ёздаҳуми вазирони адлияи давлатҳои аъзои Созмони ҳамкории Шанхай, ки тариқи маҷозӣ баргузор гардид, иштирок ва  оид ба иқдоми устувори Тоҷикистон барои ҷорӣ намудани «ҳукумати электронӣ» сухан гуфт. Дар ин хусус АМИТ «Ховар» бо истинод ба Вазорати адлияи ҷумҳурӣ хабар медиҳад.

Машварати ёздаҳуми вазирони адлия таҳти раёсати Вазири адлияи Ҷумҳурии Қазоқистон баргузор гардида, дар он масъалаи навовариҳо дар фаъолияти вазоратҳои адлияи давлатҳои аъзои Созмони ҳамкории Шанхай ва дурнамои минбаъдаи рушди ҳамкорӣ баррасӣ гардид.

Ҳамзамон дар ҷараёни машварат оид ба масъалаҳои рақамикунонии хизматрасонии давлатӣ, рушди ҳамкорӣ дар соҳаи нотариат, сабти асноди ҳолати шаҳрвандӣ, ёрии ҳуқуқии ройгон, иҷрои ҷазои ҷиноятӣ ва экспертизаи судӣ мубодилаи афкор доир шуд.

Дар Машварати ёздаҳуми вазирони адлия вазирони адлияи ҷумҳуриҳои Қазоқистон, Қирғизистон, Ҳиндустон, Узбекистон, Беларус, Ҷумҳурии Исломии Эрон, Федератсияи Русия, Ҷумҳурии Исломии Покистон ва муовини Дабири кулли Созмони ҳамкории Шанхай иштирок намуданд.

Зимни суханронӣ Вазири адлияи Ҷумҳурии Тоҷикистон изҳор намуд, ки Тоҷикистон барои таъмини хизматрасонии босифати давлатӣ тавассути ҷорӣ намудани «ҳукумати электронӣ» иқдоми устувор ва саривақтӣ андешида, ҳуҷҷатҳои асосии марбут ба ин соҳаро қабул намудааст.

Пас аз ҷамъбасти машварат вазирони адлияи давлатҳои аъзои Созмони ҳамкории Шанхай Изҳороти муштарак ба имзо расониданд, ки тибқи он машварати навбатӣ соли 2025 дар Федератсияи Русия баргузор мегардад.

Инчунин дар охири нишаст вазирони адлияи давлатҳои аъзои Созмони ҳамкории Шанхай бо ибрози аҳаммияти муҳимми рушди ҳамкории байниидоравӣ нақшаҳои чорабиниҳои гурӯҳҳои кории коршиносон оид ба хизматрасонии ҳуқуқӣ ва фаъолияти экспертизаи судиро барои солҳои 2024-2026 тасдиқ намуданд.

АКС: Вазорати адлияи Ҷумҳурии Тоҷикистон

Июнь 7, 2024 16:25

Хабарҳои дигари ин бахш

«ИННОПРОМ-2024». Дар доираи ин намоишгоҳ дар шаҳри Екатеринбурги Русия ҷаласаи пленарии Созмони ҳамкории Шанхай баргузор шуд
НАЗАРИ КОРШИНОС. Созмони ҳамкории Шанхай зимни қабули тасмимот мавқеъ ва манфиатҳои тамоми мамлакатҳои узвро ба инобат мегирад ва эҳтиром менамояд
Президенти Ҷумҳурии Тоҷикистон Эмомалӣ Раҳмон дар Вохӯрии «Созмони ҳамкории Шанхай – плюс» иштирок намуданд
Президенти Ҷумҳурии Тоҷикистон Эмомалӣ Раҳмон дар ҷаласаи Шурои сарони давлатҳои аъзои Созмони ҳамкории Шанхай иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қазоқистон Қосим-Жомарт Токаев мулоқот намуданд
Дар Остона ҷаласаи 4-уми вазирони энергетикаи давлатҳои аъзои Созмони ҳамкории Шанхай баргузор шуд
Роҳбарони ниҳодҳои ҳифзи муҳити зисти Созмони Ҳамкории Шанхай дар Остона масъалаҳои экологӣ ва тағирёбии иқлимро баррасӣ намуданд
Дар Тошканд ҷаласаи 19-уми раисони судҳои олии давлатҳои аъзои Созмони ҳамкории Шанхай баргузор гардид
Вазири корҳои хориҷии Тоҷикистон дар ҷаласаи Шурои вазирони корҳои хориҷии Созмони ҳамкории Шанхай иштирок намуд
Донишгоҳи давлатии омӯзгории Тоҷикистон соҳиби аккредитатсияи байналмилалии Созмони ҳамкории Шанхай гардид
Дар мавзуи «Осиёи Марказӣ — меҳвари Созмони ҳамкории Шанхай» конференсияи байналмилалӣ доир гардид
Дар Пекин масъалаи омодагӣ ба нишасти сарони Созмони ҳамкории Шанхай баррасӣ шуд