Антониу Гутерриш: «Тоҷикистон дар кори Созмони Милали Муттаҳид ва дар умум кори ҷомеаи ҷаҳонӣ нақши барҷаста дорад»
ДУШАНБЕ, 05.07.2024 /АМИТ «Ховар»/. Имрӯз дар мулоқот бо Президенти Ҷумҳурии Тоҷикистон муҳтарам Эмомалӣ Раҳмон Дабири кулли Созмони Милали Муттаҳид Антониу Гутерриш ҳамкории Тоҷикистонро бо Созмони Милали Муттаҳид намунавӣ арзёбӣ намуд, хабар медиҳад АМИТ «Ховар».
Антониу Гутерриш таъкид намуд, ки Тоҷикистон иқдомҳоеро пеш гирифтааст, ки хеле назаррас мебошанд.
«Тоҷикистон кишвари хурд ҳам бошад дар кори Созмони Милали Муттаҳид ва дар умум кори ҷомеаи ҷаҳонӣ таъсири зиёд ва нақши барҷаста дорад, — гуфт Антониу Гутерриш. — Мо ҳаргиз он иқтидор, неру ва фаъолияти бевоситаи Тоҷикистонро ҷиҳати дар тамоми дунё баррасӣ намудани масъалаи об фаромӯш намекунем».
Дабири кулли Созмони Милали Муттаҳид ба Пешвои миллат муҳтарам Эмомалӣ Раҳмон изҳор кард, ки бо ташаббуси шумо мо Даҳсолаи байналмилалии амал «Об барои рушди устувор, солҳои 2018-2028»-ро амалӣ менамоем.
Антониу Гутерриш ҳамчунин эъломияи аз рӯйи натиҷаҳои Конфронси сеюми байналмилалии сатҳи баланд оид ба Даҳсолаи байналмилалии амал қабулгардидаро ҳуҷҷати муҳим номида, иброз дошт, ки Созмони Милали Муттаҳид хостори татбиқи натиҷаҳои конфронс бо Тоҷикистон аст.
Ёдовар мешавем, ки 10-13 июни соли 2024 пойтахти Ҷумҳурии Тоҷикистон – шаҳри Душанбе мизбони Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» гардид.
Аз рӯйи натиҷаҳои конфронс Эъломияи Душанбе қабул карда шуд.
АКС: АМИТ «Ховар»
30 соли дӯстӣ ва ҳамкорӣ: рушди муносибатҳои дипломатии Ҷумҳурии Тоҷикистон ва Давлати Кувайт
Дар Ал-Кувайт бахшида ба 30-солагии барқароршавии муносибатҳои дипломатӣ байни Тоҷикистон ва Кувайт нишасти матбуотӣ баргузор гардид
Ҳоким Холиқзода дар Москва дар Форуми байналмилалии иқтисодии кишварҳои иштирокдори ИДМ 2025 иштирок намуд
Дар Женева ҳамкории Тоҷикистон бо Комиссияи Иқтисодии СММ барои Аврупо баррасӣ гардид
Намояндаи Тоҷикистон дар ҷаласаи Кумитаи хариди давлатии Созмони умумиҷаҳонии савдо иштирок намуд
Президенти Туркманистон бо Вазири корҳои хориҷии Ҷумҳурии Тоҷикистон мулоқот намуд
Дурнамои ҳамкории Тоҷикистон ва Кувайт баррасӣ гардид
Сироҷиддин Муҳриддин ва Рашид Мередов таҳкими ҳамкорӣ дар соҳаҳои мухталифро матраҳ намуданд
Ба сатҳи кунунии шарикии гуногунпаҳлӯ ва муассири Душанбе ва Брюссел баҳои баланд дода шуд
Сироҷиддин Муҳриддин дар нишасти вазирони корҳои хориҷии кишварҳои Осиёи Марказӣ ва Иттиҳоди Аврупо иштирок намуд
Мулоқоти Сафири Тоҷикистон бо муовини Раиси Девони Вазирони Туркманистон
Сафири Тоҷикистон бо муовини Сарвазир ва вазири тандурустии Миср мулоқот намуд
