Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
ДУШАНБЕ, 22.07.2024. /АМИТ «Ховар»/. Соли 2023 истеҳсоли картошка дар ҳамаи шаклҳои хоҷагидории вилоят 600 ҳазору 63 тоннаро ташкил дод, ки ин нишондод нисбат ба соли 2022 37 ҳазору 139 тонна зиёд мебошад, иттилоъ дод Раиси вилояти Суғд Раҷаббой Аҳмадзода зимни машварати илмӣ-амалии ҷумҳуриявӣ дар мавзуи «Технологияи парвариши картошка дар минтақаҳои кӯҳию доманакӯҳии Тоҷикистон», ки 20 июли соли равон дар деҳаи Овчии ноҳияи Деваштич баргузор гардид.
Тавре дар Хадамоти матбуоти Раиси вилояти Суғд ба АМИТ «Ховар» хабар доданд, дар кори машварат муовини Сарвазири Ҷумҳурии Тоҷикистон Сулаймон Зиёзода иштирок намуд.
Дар доираи баргузории машварат иштирокдорон давоми чанд рӯз аз таҷрибаҳои пешқадам ва технологияҳои кишту парвариш ва ҷамъоварии картошка дар хоҷагиҳои шаҳру ноҳияҳои Истаравшан, Кӯҳистони Мастчоҳ, Айнӣ, Шаҳристон ва Деваштич аз наздик шинос шуданд.
Гуфта шуд, ки истеҳсоли картошка дар ҳамаи шаклҳои хоҷагидорӣ дар ноҳияи Деваштич 230 ҳазору 6 тонна, Кӯҳистони Мастчоҳ 108 ҳазор тонна, Панҷакент 74 ҳазору 154 тонна, Истаравшан 63 ҳазору 32 тонна, Шаҳристон 49 ҳазору 10 тонна, Исфара 22 ҳазору 958 тонна ва Айнӣ 21 ҳазору 653 тонна, ки дар маҷмӯъ зиёда аз 568 ҳазору 813 тоннаро дар вилоят дар бар мегирад.
Раҷаббой Аҳмадзода иброз дошт, ки бо дастгирии Ҳукумати Ҷумҳурии Тоҷикистон ва Вазорати кишоварзии Ҷумҳурии Тоҷикистон дар вилоят соҳаи картошкапарварӣ рушд ёфта, яке аз самтҳои афзалиятнок маҳсуб мешавад.
Ҳамчунин ба иштирокдорони машварати ҷумҳуриявӣ барои истифодаи роҳу усулҳои нави парвариши картошкапарварӣ тавсияҳо дода шуд.
Ёдовар мешавем, ки дар кори машварат намояндагони кумитаву идораҳои дахлдори ҷумҳурӣ, инчунин як қатор раисони шаҳру ноҳияҳои алоҳида, намояндагон аз Вилояти Мухтори Кӯҳистони Бадахшон, вилоятҳои Суғду Хатлон, шаҳру ноҳияҳои тобеи ҷумҳурӣ, сарраёсат, раёсат, шуъбаву бахшҳои кишоварзӣ ва хоҷагидорон иштирок намуда, мутахассисони соҳаи кишоварзии мамлакат оид ба парвариш, коркард, пешгирии касалиҳо, баланд бардоштани ҳосилнокӣ ва дигар масъалаҳои марбут ба илм ва татбиқи он дар истеҳсолот маърӯзаҳо намуданд.
АКС: Хадамоти матбуоти Раиси вилояти Суғд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
